【聖誕好去處2021】聖誕燈飾親子打卡熱點

臨近聖誕節,點少得帶小朋友去睇聖誕燈飾,感受一下聖誕嘅氣氛!He She Kids為大家搜羅2021聖誕燈飾打卡位,想打卡嘅家長同小朋友千祈唔好錯過啦!






1. 尖沙咀中心迪士尼聖誕燈飾


尖沙咀中心及帝國中心有由8萬2千顆變色LED圓點組成、總面積4,000平方米嘅多媒體幕牆燈飾。將會獨家播放 Disney+ 六大品牌包括迪士尼、彼思、Marvel 、星球大戰、國家地理頻道及Star 嘅聖誕燈飾影片,維港兩岸都可以睇到。


日期:2021年11月11日至2022年1月1日

亮登時間:晚上6時至11時





2.麼地里聖誕燈海


麼地里嘅聖誕燈海一向喺市民每年的打卡熱點,今年係 Disney+ 嘅主題,只要抬頭就可以見到Olaf、三眼仔等多個迪士尼朋友,陪你同小朋友過聖誕。


日期:2021年11月11日至2022年1月1日

亮登時間:晚上6時至11時


至筍推介:網上畫班課程,免費試堂+送HKD150 amazon 購物優惠碼🤩



3.利東街迪士尼公主登場

位於灣仔化身璀璨閃亮大道,多位迪士尼公主將會華麗登場,成條大道將以公主皇冠圖騰的燈飾貫穿,每晚將上演光影音樂Show,配以家傳戶曉嘅公主音樂劇主題曲及聖誕歌曲,同時中庭亦設置了一 棵達10米高嘅巨型聖誕樹,絕對喺親子打卡熱點。

日期:2021年11月16日至2022年1月2日

時間:下午12時至11時



3.又一城閃爍聖誕

又一城今年打造逾12米高嘅閃爍哥德式聖誕城堡矗立於中庭,極具歐陸藝術氣色嘅拱型建築風格盡顯華麗氣派;兩旁綴以唔同造型嘅巨型聖誕裝置,等大家彷彿走進華麗嘅聖誕舞會。



同時,又一城唔同樓層亦為大家設置浪漫滿瀉嘅打卡位,以閃爍聖誕吊飾佈置嘅星光隧道、3米高巨型聖誕球拍照區及華麗舞台;G層嘅華麗庭園更特別設有閃爍璀璨的馬車及豎琴,大家同小朋友同老公一齊去浪漫一下!

日期:12月1日至31日

時間:上午10時至晚上10時

更多閱讀:最齊大集合 一文帶你遊走全港大小博物館 - 港島區




4.新世紀廣場Miffy北歐冬雪樂園


「miffy北歐冬雪藝術村」以北歐簡約清新嘅水彩風打造,彌漫藝術感十足嘅冬日浪漫情調,3米高嘅miffy更加會在中庭亮相。miffy嘅好友都會登場,包括Uncle Pilot熱氣球打卡位、Melanie火車站長櫈位等,連同場內各種北歐藝術風嘅佈景,就好似走入咗miffy嘅世界一樣!小朋友一定樂而忘返!





除「miffy 北歐冬雪藝術村」5大打卡位外,3樓亦有戶外兒童遊樂場「MOKO動樂園!」有得玩攀爬牆、大型遊樂設施、多條山丘及山洞探索隧道及6組唔同高度嘅滑梯,最高嘅一組滑梯高達3.8米!快啲帶埋小朋友去放電!


詳情及相片:全新「MOKO 動樂園!」兒童放電場, 同場更有3米高miffy 聖誕打卡位



日期:2021年11月4日至2022年1月2日

時間:上午10時至晚上10時


5.黃埔天地CK鼠聖誕糖果物語



黃埔天地可以有CK鼠陪小朋友過聖誕!黃埔天地仲以巨型「士的糖」砌成精美拱門,兩旁分別設有放滿聖誕糖果的3米巨型紅色扭糖機及透明糖果樽打卡裝置,增添甜蜜氣氛,







適合大人小朋友一起打卡!






日期:2021年11月11日-2021年1月2日

時間:時間:上午10時至晚上10時


更多閱讀:今個聖誕玩轉 挪亞方舟「螢幻聖誕大激玩」