【豬隊友】老公呻「女人生完仔係咪當老公死咗」遭網民鬧爆 做爸爸後4個窩心小舉動






一名老公大呻老婆產後只顧孩子而唔顧老公,本來想求網民安慰,卻反遭鬧爆。該名老公喺連登討論區以「女人生完仔其實係咪會當老公死咗」為題發文,佢指老婆自從產子後,每天「放負」已非新鮮事,而夫妻倆更會「為咗小朋友嘅事三日唔埋兩日嘈一次」。佢又提到老婆現在嘅心思「100%放係小朋友度」,而完全忽略佢。


老公坦言有時工作上遇到唔順心嘅事,「其實只係想搵個人呻下,想搵人安慰下我」,但老婆冇聽兩句便就會講:「我唔想知,你同我講呢d做乜?你自己消化咗佢再返屋企啦!你覺得我會有時間同心力關心你?」對方嘅唔耐煩表現令人夫心淡。




(圖片來源: 網上圖片)




佢又指有時候喺外面受氣或是工作唔愉快,他會散個步才回家,可是卻會被老婆狂鬧「text爆做乜仲唔返屋企」。回到家中老婆又會不停講「個仔今日點樣點樣」,要求佢給予開心嘅反應。面對老婆冷待,人夫大呻灰心絕望。


呢位老公難忍老婆產子後當老公死,於是曾「嘈過話要離婚」,可是老婆「又喊又自殺咁,話就算死都唔會離,唔會放過我。」原本佢打算發文求安慰,可是卻遭網民炮轟自私。唔少人認為人夫只顧自己,冇體諒過老婆湊仔嘅辛酸,「全段字無提過自己有咩責任,娶個老婆返嚟個老婆應份要關心自己同湊仔?」、「生完要湊仔已經好大壓力,樓主仲要恐嚇離婚係女人都癲」。


【He She Kids懶人專區】免費工作紙網站


有女網民表示女人生產後要承受巨大壓力,「身材走樣、荷爾蒙令情緒改變、嚴重睡眠不足。可能你有嘢想呻,但佢都有好多嘢想人聽佢講」,又指出「如果我生完老公嫌我煩同我講離婚,我應該會發癲」。有人認為樓主老婆應該係壓力太大,建議佢「搵日老婆放一日假,樓主照顧個細路,佢都要放鬆下透下氣」、「你試吓成個月日日咁湊仔,睇吓你煩啲定佢煩啲」。


(圖片來源: 網上圖片)

做爸爸後4個窩心小舉動



1.記住老婆鐘意嘅嘢嘢

老婆生日就快到時,係平時紀錄裏送上老婆想要嘅禮物,俾一個驚喜老婆。點都好,記住佢係你老婆,係你最心愛,最疼鍚嘅人。深呼吸一下,繼續愛下去。

2.參與育兒

各位爸爸唔好忽略自己喺育兒中嘅重要角色!一些研究發現,爸爸多花時間與年幼孩子互動,會為孩子嘅成長帶來正面影響。

【He She Kids 爸爸會所】父親對孩子成長的重要性,是母親的50倍!


(圖片來源: 網上圖片)


3.轉守為攻


與年幼孩子相處需要多啲耐性,如果孩子總是哭鬧,應主動搵出佢哭鬧嘅原因,例如肚子餓定疲倦定係想尋求你嘅注意力?解決呢啲問題,你哋會有更好嘅親子空間。

【He She Kids育兒百科】小朋友2歲都未識講嘢?3招識別兒童語言發展遲緩



4.放下手機


想與孩子享受更美好嘅親子時光,請暫時放下你嘅工作和娛樂,放下手機,轉移與孩子互動,無論係玩遊戲定係親子共讀,都會為你和孩子帶來意想不到嘅良好效果。



(圖片:「寶寶大過天」劇照)




更多精選短片:


【爸爸的感動時刻】







香港好去處🏝️ 免費親子遊玩🤩🤩 親子推介🍧 🌼 屯門獨有全港至靚水塘+最好玩公園 🚦🚦