一家5口送小朋友返學阻路 大人都有開學焦慮症?

已更新:2021年11月29日





日前一段錄音係網上瘋傳,一名職業司機分享佢喺開學日嘅見聞,有家長揸車送子女上學造成交通擠塞,生動描述加上粗口夾雜相當爆笑。唔只學生,大人都可能有開學焦慮症。


職業司機係錄音中表示,係9月1日早上見到有一家5口揸車送1個小朋友返學,更亂咁停車阻塞交通,後面汽車係咁響咹之際,佢哋仍無視,又攬又錫講再見。司機好嬲話:「返學咋嘛,咁緊張做咩,成家5、6個一齊送,移民咩?」



他又批評「香港家長真係黐線,都唔知做乜」,他形容當時呢名負責駕車嘅家長係P牌,「一到嗰度就唔理咩線,總之佢要停就停」,然後「頂住後面」。有一個大人先落車,「好似要視察下個環境安全喇,無水氹再睇下個溫度適唔適合落車」,之後再有一名大人落車,第三個先到小朋友。

正當佢以為前車已落完客,點知再有2個大人落車。然後最悲慘嘅場面便出現了,「道別要拍下個頭,攬到好肉緊咁,差在未出眼淚」,但後邊已形成車龍狂響咹。司機稱因為佢嘅汽車較大,遮擋住前車,所以人們以為係佢塞路。



點知「後面響咹嗰個做同一樣的動作,又攬又錫」,令他非常不解。司機又稱:「落雨姐又唔係落鏹水,一個小朋友落車要開4把遮」。但悲慘事還未完,佢表示放學又會重演一次,「停正喺門口,小朋友出嚟好似坐完十碌八碌咁,你捱完出嚟喇」。




不少網民都認為呢名司機形容得好精彩,短短分半鐘嘅錄音彷如親歷其境,大讚「好順耳,是心聲」、「完全係事實」、「九龍塘日常」。都有網民表示為了避開家長車龍,開學日已經早20分鐘出門口上班。各位家長送小朋友返學時,要僅記留意路面狀況,以免阻塞交通!


根據心理學家喬許‧克拉伯(Dr. Josh Klapow)研究指出,係成為家長後,人們往往會因為孩子嘅關係,再次接受校園生活嘅洗禮,每到八、九月開學季節,好多大人就會焦慮。






《赫芬頓郵報》歸納整理出3大方法,讓大人唔再被開學所擊敗!


大人都有開學焦慮症?

1.保留緩衝,排解情緒

當生活步調從悠閒嘅夏日轉換到步調快嘅秋天,呢個時候要有意識讓自己知道呢種感覺係暫時,因為你嘅思緒正在過往嘅記憶中打轉,而舊有嘅事物會隨著時間結束,新嘅歷程會再度來臨,記得俾自己多啲時間緩衝,並將當下嘅情緒好好發洩一番,讓自己從情緒嘅漩渦中全身而退。



2.反求諸己找原因

如果你嘅孩子正遭逢開學所帶來嘅焦慮,而你係唯一能提供孩子協助的人,克拉伯教授建議,平常就要多問自己:「係咩嘢讓我咁容易焦慮?我點解這麼擔心孩子係學校會發生不好的事情?係唔係跟我過往嘅經驗有關?」誠實面對自己,清楚了解自己嘅經驗跟孩子所經歷嘅都將有所不同,唔應該攞自己嘅過去,往孩子身上套。






3.練習放鬆技巧

讓自己隨時放鬆,騰出10分鐘好好坐著冥想,讓紛擾嘅思緒沉澱下來,都可以選擇出去散個步、讀一本書。你會發現,呢啲嘢對你係身心靈上,都將帶來相當正向嘅回饋。