媽媽給兒子的十句話

已更新:2020年12月10日


父母係孩子漫漫人生路上最初接觸嘅人,亦係第一位導師,對於孩子嘅成長、發展起到不可或缺嘅重要作用。以下係一位媽媽對兒子將來嘅十個叮囑。


1. 定下人生目標

人可以無偉大理想,但唔可以失去目標。可能你會抱怨,要返學、做工課、温習、考試等,以上係每個孩子都會經歷嘅事,即使爸爸媽媽都曾經經歷過。多年之後,你會感激今日拼盡全力嘅自己,將來要成為一個點嘅人,就靠今日嘅付出。


2. 用心打磨自己嘅性格

喺屋企裏爸媽可以畀你做皇帝,社會裏即使你高學歷都不等於有高情商。即便你的成績優秀、才藝出眾、表現出色,能夠讓人真正喜歡與你交朋友,係因為你嘅熱情、善良等嘅優點,用心建立良好性格係重中之重。


3. 身體係學習嘅本錢

在學校,學習係最主要嘅,但唔係唯一嘅,學習好但體質差,顧此失彼。有人話,人生在世總要被比來比去,10幾歲比成績、20歲比學歷、30歲比能力、40歲比閱歷、50歲比財力、60歲比體力、70歲比病歷……但其實,講到底都係要比身體!俗語有云:「有錢無命享。」所以,孩子,好好保持健康係人生最重要嘅一環!


4. 堅持,堅持,再堅持

一個人嘅未來由知識、能力、態度決定。知識可以通過學習獲得,能力都可以喺實踐中增長,而態度就由習慣養成。你喺良好習慣培養上,有時缺乏持之以恆嘅精神。一個成功前都經過無數失敗,緊記堅持,一旦目標定好,就勇往直前。


5. 不自大,不自卑

一生中,除咗父母,無人有義務要對你好。唔好以為呢個世界無咗你,地球就停轉;同時亦唔好以為個人渺小,就自我放棄同拋棄,因為無其他人會同情你,咁做只會傷害咗父母同你自己,做個不自大、不自卑嘅人。


6. 朋友係能同你一齊喊嘅人

如果你能夠揾到志同道合嘅朋友,相互激勵,相互幫助,共同前行,咁你一定係好幸運。要記住,朋友要以誠相交,喺朋友落難時,要盡自己所能施以援手。同自己一齊笑過嘅人易忘記,同自己一齊喊過嘅人最難忘。雪中送炭永遠比錦上添花更有意義。


7. 愛情,適合就好

遲早你都會拍拖,我以過來人身份忠告,花前月下漫步總係美好,甜言蜜語更是迷人,但忘記現實中仲有風霜雨雪。唔好過分憧憬愛情嘅美,唔好過分誇大失戀嘅悲,找對的人,就足夠。


8. 父母的這些小心思

為人父母,個個都渴望同子女嘅距離短啲,但隨着兒女嘅成長,屬於你們嘅天空肯定會越來越廣闊,同父母嘅空間距離及時間距離亦肯定會越來越遠。做父母嘅,當然特別在乎自己到底能夠佔據兒女幾多位置。

因為,父母嘅天空與兒女嘅天空係相反,隨着一日一日老去而變得愈來愈小。天下父母都同樣在乎自己孩子喺唔喺身邊。


9. 不用計較得失

「花無百日紅」人總有三衰六旺。記住得意時,呢個世界上有太多比自己厲害嘅人,要記得自己嘅渺小;失意時,不退縮,堅持落去:過去係點走過來,今日就點走過去。


10. 家,最溫暖嘅港灣

家人只有一次緣分,這輩子,即使無法與你一路伴行,但喺風雨交加嘅時候,總會為你遮風擋雨!即使無能與你一路並肩作戰,但艱難險阻嘅時候,總會與你一同分擔苦痛!外面幾辛苦,家,永遠係你最温暖嘅港灣。