小朋友成日講大話?6招養育誠實孩子


研究發現,4、5歲後嘅小孩,就有9成以上會講大話;6歲後嘅小孩,平均每小時都講大話。當小朋友講大話時,爸媽應該點做?父母可以用以下策略,創造出一個讓孩子感到安全嘅環境,教佢哋誠實講真話。


1. 父母都要誠實

父母係孩子嘅榜樣,如果父母自己都講大話,即使係小小嘅謊言,都會讓孩子學會壞習慣。因為孩子不能輕易區分謊言背後嘅目的,所以就會不經意地從父母身上學識講大話。 如果父母別無選擇,只能說一些善意的謊言,之後父母也應該解釋自己點解要咁做,強調呢個係一個例外。


2. 讓自己變得真實

即使孩子要食好難嘅藥,家長好想講善意嘅大話,話佢知呢種藥嘅味道唔錯,但父母應該只講真話:「呢隻藥對你有好處」。 同樣,當孩子明顯地對朋友送的聖誕禮物感到失望時,唔好讓孩子對朋友說謊,講呢個禮物有多好。雖然不應該叫孩子殘忍地告訴朋友說:「我唔鐘意呢這禮物」,但要教孩子大方感謝朋友心意。


3.獎勵誠實嘅孩子

讓小朋友承認自己嘅錯誤需要付出巨大勇氣,家長與其訓斥孩子自己做錯咩,不如利用呢個機會讚賞孩子對自己說出真話,並說:「我喜歡誠實嘅孩子」,咁樣可以建立互相信任嘅關係。



4. 讓孩子「自作自受」

如果孩子到最後一刻先發現自己唔記得做功課,請讓他為自己犯下的錯誤負責。唔好幫佢做功課,甚至代佢做功課,咁樣做會令佢誤以為做錯事後很容易就能逃脫。

5. 唔好嚴厲訓斥孩子錯誤

係孩子犯錯時,父母嘅反應往往決定孩子嘅誠實程度。嚴厲嘅回應,甚至責罵孩子,都會讓孩子恐懼,繼而作出唔誠實嘅行為,以免惹上麻煩。父母可以與伴侶和孩子一齊制定紀律規則,同時把佢嘅自尊心放在首要考慮。

6.找出孩子說謊原因

當孩子講大話時,就要與他交談,了解佢咁做的原因,例如:孩子可能是因為學校功課壓力太大,一直未能完成,所以先會說謊。要先解決根本原因,佢哋先會發現以後冇講大話嘅必要。