父母懶孩子更開心?懶惰育兒4大好處


其實要做成功嘅「懶惰父母」並唔容易,因為需要好多嘅耐性!如果父母懶啲小孩想做咩都要親力親為,培養出獨立之外。究竟仲有咩好處?


1. 識照顧自己

大人最應該等孩子係童年時期學識克服困難,接受挑戰。如果父母咩究都幫孩子,只會令作哋大個咗未能獨立成長,依賴父母,令生活變得更難過。例如:爸爸媽媽聽到孩子問問題時,「媽媽,我搵唔到⋯⋯」父母唔好即刻幫作搵,而係試吓俾佢哋自行解決,小朋友嘅能力其實比我們想像中強!


2. 責任感上升

大人很多時都會將事情留俾自己快快做好,例如自己做家務,又快又好。如果將呢啲交俾孩子做,會覺得好煩又要睇住佢哋,又要講解,又未必做得好,有比較之下,真係麻煩好多。但係咗樣做,偷走咗孩子可以學習呢啲野嘅機會。父母可以係呢個時候「懶惰」一下,放手俾孩子自己做,小朋友唔明白嘅話,就係隔離提供幫助,培養責任感。



3. 培養自信心

父母急於幫助嘅另一個壞處係孩子可能會自我懷疑,性格會變得冷漠。佢哋開始認為自己咩都做唔到,家長應適當時俾機會佢哋學習,可能會失敗,但成功後之後會讓孩子更相信自己,明白「只要努力,就可以做到!」

4. 成為更好的父母

「懶惰父母」透過忽略一啲瑣碎嘅事,讓自己慢慢放鬆,同時可以保持更多精力,同孩子一齊玩耍,創造更多難忘嘅回憶。大人小朋友一齊度過更有趣嘅時間,快樂父母更大可能養育出快樂嘅孩子。