英國石油公司 BP 曾經邀請2,000名父母參與研究，了解佢哋所面對嘅育兒壓力。調查結果顯示，爸媽平均每日會因育兒問題而壓力爆煲超過6次，而且每日最少有40分鐘感到焦慮不安。呢啲令爸媽感到煩惱嘅情況差不多一半都係屋企發生，另外亦有約13%發生係商店，約10%發生在餐廳，反映小朋友同父母出去買嘢或者吃飯時都不時「製造麻煩」。研究指出，唔少日常活動都因小朋友嘅出現而變得花時間及混亂。例如簡單食一個早餐，調查顯示父母都會因小朋友喧鬧「搞搞震」而額外多花上約12分鐘嘅時間。
相信唔少父母都知道，照顧 Trouble Two 和 Terrible Three 嘅孩子有幾艱辛，但研究結果卻指出5歲小朋友先係最難湊！在父母不經意轉身嘅幾秒鐘，佢哋可能已經偷偷把糖果放去袋、用媽媽嘅唇膏粉底幫自己化妝、將褲子套去頭上。小朋友嘅頑皮舉動數之不盡，相信不少爸媽都知道佢哋鐘意係牆上繪畫，但事實上地毯、朋友及寵物狗狗嘅身體都會不時慘成「犧牲品」，被孩子當作發揮創意嘅畫紙。
讓爸媽感到頭痛嘅情況遍佈生活大小事，調查結果顯示讓孩子食特定嘅食物、讓小朋友停止玩手機或看電視、讓孩子整理房間都屬於育兒壓力的頭5位。而向來讓唔少父母大呼投降嘅哄睡竟然只屈居第二，讓爸媽感到最大壓力嘅係育兒嘅經濟壓力。確實從BB尚未出生，每次產檢都已唔平，到BB出生後的奶粉、尿片、嬰兒用品每樣都花費唔少，所以如果爸媽不幸遇到失業等情況都會讓經濟壓力大增。
雖然小朋友為爸媽帶來不少壓力，但同時亦帶來很多樂趣、幸福以及生活嘅動力。約8成受訪父母都表示佢哋孩子很頑皮，但當中有三分二人都認為相比起帶來壓力，這些調皮嘅行為帶來嘅係樂趣！
前20大引發育兒壓力因素
1.出現經濟壓力時
2.哄孩子
3.餵佢哋食指定食物
4.停止玩手機或看電視
5.請佢哋整理房間
6.叫佢哋刷牙
7.用餐時
8.早上準備出門
9.俾佢哋準時上學
10.俾佢哋著衫返學
11.每星期去購物
12.確保孩子做完功課
13.記住重要嘅上學日期
14.讓佢哋食任何東西
15.洗澡時間
16.時刻注意食物中嘅糖分含量
17.叫佢哋起身
18.購買新衣服或鞋子
19.記住功課Deadline
20.孩子出門前著鞋
3招減壓小技巧
1. 安排「ME TIME」
所謂「ME TIME」，其實就係專屬於自己嘅獨處時間。任何父母都需要學習平衡生活，唔好將重心全放在家庭或子女之中，而係需要每日抽時間或空間俾自己，做自己鐘意嘅事。
2. 調整合理期望
網絡世界太容易得到唔同嘅育兒方法技巧，但呢啲方法未必可以完全運用係自身當中。因每個孩子都有自己嘅獨特性，我哋需要多花一啲時間觀察孩子嘅需要，整理各方經驗調整，從而尋找合適孩子嘅方式。
3. 與人分享及尋求資源
如感壓力過大，情緒容易低落，可嘗試與朋友分享，或尋找專業人士協助，獲得情感支持，並能夠擴闊應付問題的角度。學習係社區內搵唔同嘅資源，例如周末托管服務等，令自己可以稍作休息，也不失為一個好方法。
コメント