結婚後,合久必分?十對有四對離婚

已更新:2020年12月10日



現代人對於婚姻變得開放,合則來,不合去。好多情侶一進入婚姻後就會因浪漫消逝,接受唔到生活嘅真面相或者因了解而分開,導致離婚率一年比一年高。根據統計處數字,2018年香港結婚數目接近五萬宗,同年離婚個案有超過二萬宗,離婚率高達41.2%,即係每十對結婚人士,就有四對離婚收場。究竟係咪真係合久必分?

【缺乏愛和親密】

有47%離婚人士表示婚姻中缺乏愛令佢哋離婚。主要原因有咗孩子後,你哋嘅「自由時間」會比以前少好多,現在你哋不只兩個人,而係三個人,孩子需要兩位付出大量嘅注意力,久而久之習慣咗生活中已缺少咗嘅愛,令雙方感情轉淡。

【缺乏溝通】

不止夫妻,好多人際關係中都經常存在溝通問題,夫妻之間要面對嘅問題實在太多,如果無良好溝通只會產生更多磨擦。研究中有44%嘅人表示缺乏溝通係離婚嘅主要原因。

【缺乏尊重及信任】

導致婚姻走向滅亡嘅三個基本要素就係尊重、同理心及信任。拍拖階段因為戀愛大過天,即使對方缺點幾多都好,都會被愛所覆蓋。當愛情轉淡,彼此相處就更需要互相尊重及信任,甚至比愛更重要。想像一下,當夫妻關係中充滿猜疑、妒忌同背叛,仲要勉強在一起只會彼此折磨。

【改變】

一開始戀愛,即使你覺得同伴侶嘅興趣喜好甚至觀點都一樣,但並唔代表婚後唔會改變。隨着孩子嘅出現,你哋嘅生活隨之改變,想法及觀變亦有可能變得愈來愈唔同。

夫妻關係是一輩子,兩個人性格、背景、想法都唔一樣,如果以上一項同對方都唔同,雙方亦都無適嘅解決方法,就會令婚姻失平衡。