台灣的兩孩爸爸作家「口罩男」曾經就「爸爸」嘅角色分享看法，並提出為人父必須明白嘅7個道理，希望各位爸爸都可以用啲時間理解一下。「口罩男」直言：「做爸爸冇咁簡單，老公呢兩個字，都唔係只識賺錢就得！」大家一齊嚟了解下為人父必須明白的7個道理！
1. 成家就唔好仲住喺屋企
（圖片來源：ViuTV反起跑線聯盟劇照）
「口罩男」認為，結婚就係要另外組成一個家。父母從子女出生就操勞煩心了一輩子，既然好不容易熬到兒子成家，兒子為人夫後就唔好仲住喺屋企享受父母辛苦一輩子嘅成果，甚至仲帶個女人同小孩返屋企令兩老煩心。「口罩男」提醒各位爸爸，距離永遠係美好的，可以搬就搬。
延伸閱讀：
2. 如果搬唔到，多點耐心諒解老婆
「口罩男」希望爸爸們明白到，男人結婚只係多咗個家人，但女人結婚係換咗個家。
（圖片來源：TVB BB來了 劇照）
佢指人夫結婚後西裝一脫返到屋企第二日依舊熟練咁起身、食飯、返工放工。但老婆呢？佢指人妻只做咗一日嘅公主，卻換來一輩子嘅操勞。婚紗一除，係一個陌生嘅環境面對一群陌生嘅人，日日努力適應著對方嘅作息跟生活。所以「口罩男」提醒爸爸，「如果連一啲耐心都唔願俾老婆，咁就麻煩唔好將人哋帶返屋企！」
3. 家務係住喺家裡嘅人，一齊做嘅事
延伸閱讀：
「口罩男」希望爸爸們明白到，做家務同性別、地位、輩份、收入多寡都冇關係。雖然爸爸上班賺錢養家好辛苦但都有責任，因為太太喺家也唔係冇嘢做。衫唔會自己摺好出現喺衣櫃、飯菜唔會憑空出現在餐桌上、小孩都唔係自動會去沖奶飲。「口罩男」指家裡瑣事好多，一般人支付嘅家用根本唔足以讓太太把家裡嘅事情一手包辦。佢希望每位爸爸都想清楚，請一個保母要幾多錢？請一個打掃阿姨要幾多錢？請一個煮飯婆婆又要多少錢？「口罩男」直言，「麻煩要有自覺，老婆煮飯你洗碗，老婆洗衫你曬衣，老婆餵奶你沖奶，如果唔係就信用卡任老婆刷，我相信老婆就會做到你滿意。」
4. 自己嘅父母自己孝順
（圖片來源：TVB BB來了 劇照）
「口罩男」表示，老婆跟奶奶可以當姊妹，都可以當好友，但就唔好一直逼人哋好似服務業一樣，顧客至上仲要常帶微笑地孝順自己嘅父母。「口罩男」直言，「妻子如果願意咁係你嘅福氣。」孝順係做兒子嘅事，男人要有擔當，唔好將自己嘅責任，推俾妻子。
5. 邊個話初二先可以回娘家
「口罩男」提醒各位爸爸，老婆有父母、有兄弟姊妹、更有自己嘅朋友。佢直言，「妻子想回娘家，只要提早講一聲，同你時間工作配合好，點解唔可以返去？」妻子為咗愛另一半，把自己的下半輩子都投入喺另一半的屋企，一年回去嘅次數，十根手指頭數得出來。「口罩男」認為，人夫不滿喺心眼太小。「口罩男」坦言，「孩子跟你姓，咁老婆返娘家時肯帶小孩返去係減輕老公嘅負擔，係體諒嘅一種；但如果唔肯帶，咁小孩就是你嘅責任，冇道理做咗爸爸仲唔識湊小孩。」
延伸閱讀：
6. 女人懷孕好辛苦
「口罩男」提醒爸爸們，「懷孕女人身心都會改變，還會有點無理取鬧，麻煩請先做好心理準備。」
（圖片來源：TVB BB來了 劇照）
因為爸爸冇辦法代為承受妻子嘅苦，咁就應好好承受分擔佢嘅負面情緒。小孩一出生就開始用好多錢，生唔生係自己嘅選擇。但佢就想爸爸們記住：「如果唔生就麻煩請做好安全措施，唔好生完用咗好多錢之後，又怪東怪西。」
7. 你冇時間陪小孩，因為你俾自己太多時間
（圖片來源：ViuTV反起跑線聯盟劇照）
「口罩男」坦言，「有時候做爸爸，真係要犧牲掉一啲嘢先可以專心地做一個爸爸，因為媽媽都係咁樣。」媽媽犧牲咗工作、時間、興趣、朋友、身材、容貌，佢犧牲掉咗咁多嘢，都係勉勉強強可以做一個合格嘅媽媽。佢希望爸爸們想清楚，「你呢？請問你又為咗小孩，犧牲咗咩呢？」
精選短片：
Comments