《雖然是精神病但沒關係》原生家庭的影響力

已更新:2020年10月6日



近期大熱嘅韓劇《雖然是精神病但沒關係》中描述了幾個寂寞嘅孩子,佢哋嘅成長故事。如果我嘅出生只是為咗某些目的,如果我無法達成父母對我嘅要求,那我係咪就不配擁有愛?高文英創作嘅《喪屍小孩》繪本會讓你看到,孩子要嘅從來唔係食物,而係母親嘅溫暖。


男主角文鋼太(金秀賢 飾),精神病醫護人員,從小照顧患有自閉症嘅哥哥,從小媽媽就話畀佢聽:「我生你下來,就是為咗你照顧哥哥。」母親將所有嘅愛投放喺哥哥身上,而佢只能望着佢哋嘅背影,悄悄地偷取一點愛。

女主角係童話故事作家高文英(徐睿知 飾),被母親當作「最好嘅作品」係母親延伸、父親眼中嘅怪物,唔應該存在於呢個世界嘅孩子。喺呢個家,佢感覺不到自己存在嘅必要。


「子女對父母而言,一定要有甚麼用處嗎?」

權起道(郭東延 飾)係「沒關係精神病院」裏嘅一名患者,佢患有躁鬱症,發作時會脫光全身衣服示眾。而佢嘅症狀來自於佢嘅原生家庭—佢出生於政治家族,哥哥姐姐們都好優秀,只有佢表現不如父母預期。因此,佢被視為讓家族蒙羞嘅孩子,爸爸會把佢關喺屋企,亦唔願意向任何人承認佢嘅存在,佢只能夠四處搞事換取父母嘅注視,最後因為咁而患上躁鬱症送入精神病院。


「原生家庭影響力最大」

在原生家庭畀孩子帶來嘅傷害中,情感之傷就像係睇唔見嘅傷口,痛得刻骨銘心卻永遠都無法痊癒;當然原生家畀孩子嘅愛,亦係令幼苗成長為鮮花嘅肥料。我於單親家庭下成長,自小跟着爸爸生活,爸爸嘅性格樂觀且有耐性,即使我小時候犯下彌天大錯,佢都會以說教方式,慢慢一步一步教導我正面思想。長大後,當我的孩子犯錯時,我就發覺我不由自主地用上我爸爸當年的教育方式;相反,我太太與我的教育模式南轅北轍,太太屬緊張且悲觀型,過度嘅愛令佢不能「放手」讓孩子親自成長,當小孩不及進度或犯錯,佢就反應激動,令孩子壓力甚大。呢個例子就正正反映原生家庭嘅影響力係非常深遠,甚至係一代一代咁影響落去...


「錫喺心裏面」

由於民族文化嘅影響,喺中國,父母更加重視的是孩子衣食住行,而非情感需求,佢哋講究生活中嘅瑣事,好難對孩子說出「我愛你」之類嘅話語。上一輩經常講「錫喺心裏面」,父母心裡明明好愛自己嘅孩子,但孩子完全感受唔到。不妨將愛表達出嚟,如果唔好意思講出口,可以利用文字或小心思,總之揾個方法話畀孩子聽你愛佢。要懂得如何向孩子表達自己嘅愛與溫暖,懂得如何與孩子建立情感聯結,如何讓孩子喺溫暖與愛中成長的更好。