零用錢俾定唔俾？家長最常犯5個錯誤

用零用錢係孩子學習理財嘅重要第一步，可令孩子從中認識金錢、培養正確嘅儲蓄及消費態度、並建立良好嘅理財習慣。不過，投委會指出原來唔少父母係俾零用錢時，成日會犯以下 5 個錯誤，你又中幾多個呢？

1. 好遲先開始俾零用錢

有啲家長以為太早俾孩子接觸金錢會影響佢哋嘅價值觀，或者係覺得孩子未有自己用錢嘅需要，例如搭校車上學、學校提供膳食，擔心佢哋有錢係手會亂花。其實愈早開始俾孩子小量嘅零用錢，反而愈容易幫助佢哋建立正確嘅儲蓄及消費態度。家長們不妨藉著俾零用錢嘅機會，培養孩子管理金錢嘅習慣同埋責任心。

2. 無訂下固定金額

零用錢嘅金額幾多並不重要，亦無一個標準，重要嘅是家長應因應本身嘅情況與孩子嘅需要，不妨同孩子商量訂下一個固定嘅金額，建立他們對金錢預算嘅概念，咁樣能有助孩子好好計劃及運用有限嘅零用錢。

3. 唔教孩子點花錢

謹記教導孩子「財分三份」嘅原則，包括儲蓄、消費及分享，也要提醒他們在金錢有限嘅前提下，未必可以滿足全部嘅慾望，因此要分辨「需要」定「想要」，係購物前要想清楚。

4. 無同孩子約法三章

家長應與孩子係運用零用錢方面訂立一啲約定，例如零用錢要量入為出，提醒佢哋如果使大咗要承受後果，例如爸媽唔间額外再給零用錢，要等到下一個月先會再有；都要鼓勵孩子記低每日的開支，唔可以入不敷出。

5. 將零用錢與責任掛鈎

用零用錢黎培養孩子號良好行為或用作獎勵，例如自己做功課溫習或做家務等，成效未必長遠。家長要教導孩子明白自己作為家庭成員要承擔一定嘅責任或為家庭付出，而非為金錢獎勵而做。