餵母乳時感到疼痛?4招舒緩乳房脹痛



寶寶出生3-4日後媽媽會開始上奶,若寶寶吸吮情況唔理想,乳汁會滯留在乳房,情況持續會造成腫脹,想減輕上奶後乳房腫脹嘅情況?以下4招可以舒緩新手媽媽乳房脹痛。


1.藥膏

媽媽啱啱開始餵哺母乳覺得疼痛係好正常,因為皮膚未適應呢種變化。如果媽媽頂唔順乳房脹痛可以搽純天然無毒性嘅藥膏嚟減輕乳頭痛楚。此外,可以定時服用止痛藥,常用撲熱息痛可適用於授乳媽媽,最好係餵哺前45分鐘服用。

2.頻繁餵哺

頻繁餵哺孩子母乳有助緩解痛楚,因為頻繁餵養可以減少乳房充血。而寶寶多咗機會飲奶,吸吮時亦會減輕力度,降低乳房壓力。此外,係餵哺寶寶母乳前可以先擠一啲奶出嚟,可以軟化媽媽嘅乳頭,令寶寶更容易吸吮。



3.冷敷乳房

餵哺後和下一餐之間,可以冷敷乳房,有止痛和消腫嘅功效,方法可重複使用,唔她碰到乳暈便可。亦都可以用冰過嘅綠色生椰菜(高麗菜),敷係乳房上,可紓緩乳房腫脹引致嘅疼痛,但不要碰到乳暈,每次敷約20分鐘便棄掉。使用前,先用瓶子將椰菜壓平。

4.肌膚接觸

餵哺之前,媽媽可以與寶寶作肌膚接觸,把寶寶伏在媽媽胸前,中間冇任何衣物阻隔,也可嘗試唔同餵哺姿勢。

如情況冇改善,請向母嬰健康院或其他醫護人員查詢。