3招教你帶眼識人揀保姆



係香港呢個社會,時間就係金錢,再加上百物騰貴,樓價高企,要維繫一個家庭到底需要用幾多錢呢?

亦到因為呢個原因,好多香港家庭都需要爸爸媽媽雙職工作,所以就只可以搵長輩或聘請工人姐姐去照顧小朋友。


最近一單保姆懷疑虐待BB 港聞係媽媽界同各大網上平台瘋傳,令唔少聘請保姆嘅家長心驚膽戰,更加令一班有心想請保姆嘅人卻步,今次就教大家 3招點樣請到一個好保姆!


1. 注意保姆以往經歷


一個人嘅生活閱歷會影響人生觀同價值觀,大家係揀選保姆時必須要注意保姆以往經歷,包括成長背景同工作經驗等,以便簡單咁了解保姆嘅人品以同三觀做一個簡單嘅參考,如果可以提供到前顧主嘅推薦信就更好啦。另外係揀選保姆時,最好多D 同佢交流去了解大家嘅育兒觀念會否相似,會面地點建議可以約係屋企,係輕鬆環境之下可以更深入咁瞭解對方。最重要係顧主記得需要仔細核對保姆嘅個人資訊,防止造假。




2. 實地考核


除左保姆嘅人品需要重點關注,工作能力亦係相當重要嘅一環,比如廚藝同耐心。聘請保姆主要都係照顧小朋友,所以要重點考核保姆對育兒知識嘅瞭解程度,如果程況許好最好實地考察,例如可以刻意製造小問題,去考核佢嘅應變能力同專業程度,突發情況最可以反映真實水準!訓練有素嘅保姆一入屋門就會洗手、主動詢問工作事項同埋小朋友狀況。如果以上都可以,可以同保姆夾期及商討試用期。


3. 溝通勝過經驗


家長需要係日常相處中多加留意,如果觀察過一段時間,應當要俾保姆一定嘅信任,彼此保持平等關係,定期溝通,避免出現隔膜。儘量唔好以主人姿態自居同保姆相處,將心比心,多D理解同包容,令雙方相處更加融洽,咁樣係照顧小朋友自然就更用心,有自信,將細節注意好!


同時,父母都要同小朋友溝通好去尊重保姆,學習有禮貌咁相處。最重要係係小朋友面前唔好講保姆嘅壞話,因為咁樣保姆就唔可以係小朋友面前建立「權威」,小朋友自然就唔會聽保姆嘅說話啦!

最新文章

查看全部