top of page

父母頭痛:4點戒甩網絡成癮



(圖片來源:網路圖片)


依家都市人每日機不離手,小朋友返學用電腦上堂,放學用智能手機上網打機。而網絡太多資訊,亦有太多誘惑啦,大人都未必抵抗得到,小朋友仲未完全有自制能力就更加難。如果大人唔管制引導,又冇發現小朋友已經上癮(可以參考另一篇提及電玩障礙既徵狀),可能造成心理、社交、生理既問題,例如憂鬱、社交障礙、學習表現退步同埋包括寫字、記憶力、視力等能力既退步。


我地冇可能完全唔用電子產品同網絡,但亦都唔可以比小朋友繼續沉迷落去。可以參考以下4點去幫佢地避免同遠離成癮:


更多閱讀:

(圖片來源:網路圖片)


1. 培養時間觀念

小朋友年紀細,比較容易養成好習慣,不過亦非常需要大人協助。父母可以同小朋友分析每日作息時間,討論下每天上網時間應該幾耐,再達成共識。可以畫時間表同計時器咁小朋友亦會更加清楚時間分配,同訓練一下時間觀念。




2. 用打機上網作為獎勵

有啲家長會用遊戲機或上網時間作為仔女考試成續好、蠃到比賽既獎勵,但咁樣未必好。美國《Parents》雜誌指出,如果拎電子產品作為獎罰,就好似禁果,愈難擁有就愈想偷偷嘗試,會令小朋友覺得有興趣。



(圖片來源:網路圖片)



如果小朋友平時已經有啲沉迷,可以考慮佢地其他鐘意既事物,例如買新既書包、食雪糕、出去玩。




3. 介紹其他活動取代

(圖片來源:網路圖片)


好似有人減肥會慢慢減食熱量吸收,再多做運動,減少小朋友既癮,就慢慢減少上網打機既時間,同時做多啲其他小朋友有興趣既同埋休閒活動。例如,小朋友本身鐘意畫畫,可以叫佢畫一幅送比爺爺嫲嫲,比其他人鼓勵下;或者比佢參加興趣班,發掘其他興趣。只要佢培養到其他興趣,自然就減少打機既時間。



更多閱讀:

(圖片來源:網路圖片)



4. 改善親子關係

沉迷網絡都係逃避現實既一個方法。有關青少年既研究發現,佢地喺房入面打機,其實係因為覺得自己得唔到父母既注意同安慰。子女喺成長既階段,需要父母既陪伴同傾聽;喺犯錯受傷既時候,希望有人陪佢面對。而有啲父母同子女正正欠缺交流、溝通。大人同小朋友係要有良好既親子關係,先可以溝通,深入佢地既內心世界,幫助佢地喺快樂既家庭成長、遠離網絡成癮。















Commentaires


bottom of page