BB常哽到嘅6種食物

已更新:2021年9月9日


通常4個月至6個月大BB開始透過副食品學習咀嚼,腸胃亦逐漸發展,直到2至3歲先會完全吞固體食品,腸胃道亦可以消化到。父母餵食有啲類型食品都要特別注意,BB就冇咁容易哽親,好似以下6種類型:


1. 有核食物

比BB食好似提子、荔枝、橄欖等有核食物之前一定要先去核、切成小塊,BB會容易吞嚥。


2. 過硬的食物

BB嘅口山牙齒仲喺度發育,咬合亦仲未發展完成,所以冇辦法咬碎太硬食物,包括瓜子、花生、堅果類。


3. 魚

有啲魚骨好幼細,大人唔容易察覺,更何況嬰兒?所以比BB食魚時一定要先確保冇曬魚骨,或者可以挑選好似鱈魚呢種少骨、魚骨較容易見到魚肉,甚至魚肚。





4. 糯米類食品

糯米類食品黏度太高、唔容易咀嚼,就算小孩可以直接吞,都會有哽親風險同對消化造成負擔。






5. 薯蓉

唔好以為薯泥係泥狀可以比BB食,因為薯泥對6個月大BB仲係太硬、太濃,容易消化困難,喺腸胃形成殘渣。


6. 醃製水果、加工食品

橄欖等醃製水果、如魷魚絲等乾燥、加工食品如果喺食道卡住左,就會吸水、膨脹、發炎,甚至可能幾日後先發現,造成吞嚥困難、嘔吐等唔舒服。因此,建議小朋友3歲之後,咬合發展比較完整時候先好嘗試。







食飯容易哽親,食飯唔專心都會增加風險。邊食邊玩令腹部壓力變高,增加胃酸逆流機會,亦影響食道吞嚥功能,便會卡住食物;瞓喺度食則會令賁門壓力降低,同樣增加胃酸逆流風險。大人小孩應該食完流質食物之後隔1至2小時再瞓覺,固體食物就要半小時至1小時,避免脹氣、嘔吐選購玩具時,大人都要注意磁鐵玩具、貼紙,或是玩具小零件,避免小朋友因為好奇誤吞,造成腸胃灼傷,應等到佢哋明白邊啲東西唔可以擺入口再玩。