平住5星級
1. 香港富豪酒店
官網8月房間價格：每晚$474起（高級客房）；每晚$2200（美食家饗樂住宿之旅）
香港富豪酒店係老牌酒店，但都係5星級，裝修比較典雅復古，重點都係佢嘅露天泳池同位置好方便，而佢嘅價錢都只係。而依家推出左美食家饗樂住宿之旅，只要比2千幾蚊就住到460呎嘅行政套房一晚，仲包同房價一樣價錢嘅餐飲劵，堂食、外賣或者room service都用得， 12 歲以下小童入住可以免費加床，而且喺星期日至四入住可以住夠 24 個鐘，而星期五、六同公眾假期就可以到夜晚 6 點先check out！另外，只要加 $200 就可以享用 Lounge服務，歎下黃昏雞尾酒、茶點、汽水、果汁、茶等等。
2. 荃灣西如心酒店
官網8月房間價格：每晚$451起（不包括服務費）
官網STEM 夏日「知」旅親子住宿價格：每晚$1888 起（「如」家常滋味套餐；不包括服務費）； 每晚$2088 起（Café Circles 自助晚餐；不包括服務費）
呢間喺新界嘅5星級酒店位於九龍半島西端，佇立喺大帽山與藍巴勒海峽之間，客房大部分景觀開揚，設施唔少得9 樓嘅戶外游泳池。
酒店推出左包含STEM工作坊嘅package—STEM 夏日「知」旅親子住宿，仲包括精選早餐、消暑雪糕同埋豐富自助晚餐或「如」滋味套餐。
官網8月房間價格：每晚$1000起（不包括服務費，包括早餐）；每晚$3100起（親子探索之旅；不包括服務費；包括早餐）
雅格酒店係今年先開幕嘅精品酒店，裝修設計都講究藝術感又帶比人家庭舒適嘅感覺。雖然位置唔近市中心，但近黃竹坑地鐵站，亦面臨香港仔灣而成為佢其中一個優勢。住海景房或者去Infinity Pool玩下水，好好欣賞下海景，都幾寫意。房價唔高，而且有良好配套仲包埋早餐。如果住附近，或者會去海洋公園玩，都可以諗下黎呢度住返晚。酒店都推出左親子探索之旅嘅package，會包喺房間設帳幕、「孩子專享」的特別客房設施同「孩子專享」的迎賓禮物，但細節要同酒店查詢，同埋只可以揀幾款嘅海景套房，而價錢都唔平，大家可以睇下有冇興趣。小編睇到官網嘅相就覺得普通海景客房嘅景觀都已經唔錯，但當然真係去住一次先最清楚。
4. 馬哥孛羅香港酒店
官網8月房間價格：每晚$448起（不包括服務費）；每晚$1176起（豪華海景客房；不包括服務費，包自助早餐）；每晚$999起（家庭玩樂假期；不包括服務費，包自助早餐）
馬哥孛羅香港酒店坐落尖沙嘴，唔洗講都知個度啱曬行街、食野，而且附近起碼有3個遊樂場同博物館，小朋友去都唔會悶。而留喺酒店入面，除左可以用基本設施好似游泳池，佢仲有專為小朋友而設嘅俱樂部，提供兒童菜單、兒童禮品包、兒童客房設施同興趣活動等嘅服務。由依家到9月期間去同小朋友staycation嘅話，可以book「家庭玩樂假期」，就會有特色兒童帳幕同提供家庭活動（可以揀任天堂 Switch 遊戲機、小朋友遊戲墊、欣賞精彩電影或者麻雀耍樂）。佢嘅海景房間仲係無遮擋嘅維港景黎架！之前睇嘅五星級酒店當中，有海景嘅房都至少$1500，出名嘅酒店就$2、3000，而馬可孛羅依家有「夏日樂逍遙」嘅優惠，只係比一千蚊多啲就住到海景房，仲有自助早餐，聽落海景房係咪都住得過先？
不過佢已經係老牌酒店，可能有啲人會介意佢嘅設施、裝修舊，而且同其他提供類似package嘅酒店比，家庭活動類型亦相對冇咁多又淨係包早餐，不過佢位於市中心，仲係五星級酒店黎添，服務、配套相信有一定水準。
遠離繁囂
5. 挪亞方舟度假酒店
官網9月房間價格：每晚$720起（不包括服務費）； 每晚$2043 （主題客房住宿套票；包早餐、晚餐）
酒店喺馬灣呢一個小島上，絕對係遠離塵囂嘅好選擇。酒店只有餐廳，冇其他設施享用，但鐘意親親大自然嘅話，鄰近景點都好豐富，好似去馬灣東灣泳灘欣賞青馬大橋襯托下嘅遼闊海景、大自然公園影相、芳園書室古蹟館了解下磚窟嘅歷史、鳥望台睇日落等等，遊山玩水，同小朋友發掘下香港嘅另一面，都係都市人少有嘅體驗。仲可以去埋挪亞方舟主題公園玩。
酒店有主題客房住宿套票，有6款主題房間選擇咁多（包括恐龍歷險世界、啤啤熊英倫遊、糖果派對、叢林動物派對、宇宙漫遊記同消防小英雄），造型都好突出，包晚餐輕盈早餐、玩酒店大堂遊戲設施、桌上遊戲參加啤啤熊之友製作室同「童趣飛馳樂」活動。但佢8月嘅房間booking已經滿曬，可以plan定下個月或者之後長假黎。
6. 華威酒店
官網每晚$880起；$1380起（【離島渡假住宿餐飲套票】包雙人特色早餐 、時令海鮮晚餐/蒸汽火鍋晚餐）
華威酒店位於長洲東灣海灘旁，由長洲碼頭經東灣路行大約5-10分鐘到達。海景客房同標準海景房嘅每晚價錢一樣，但佢有大落地玻璃窗，仲有海景露台落可以冇遮擋望到海景、日落，甚至可以order早餐喺度慢慢歎。而book離島渡假住宿餐飲套票嘅話就包左雙人早餐同時令海鮮晚餐或者蒸汽火鍋晚餐啦！酒店仲有家庭房，但喺官網都未有得預定。
如果小朋友睇完奧運或者平時對運動都有啲興趣，難得黎到出名玩滑浪風帆嘅長洲都可以試下喎。個度都有得租水上運動設備同站起立劃槳（SUP）、獨木舟等等課程，可以用埋酒店提供嘅J&J水上活動中心同長洲滑浪風帆中心嘅設備租貸同私人課程9折優惠。
7. 悦品天秀酒店‧元朗
官網8月房間價格：每晚$249起（「玩轉菠蘿園」住宿計劃；2位大人及1位小童；不包括服務費）；每晚$546起/$710（星期五、六、公眾假期及公眾假期前夕；包早餐）（「小小探索家」露營之旅；2位大人及1位小童；不包括服務費）
喺元朗由集團式經營嘅酒店寥寥可數，悦品天秀酒店‧元朗係其中一間。酒店開左3、4年，位置近港鐵輕鐵站，如果搭西鐵黎，要轉輕鐵或者酒店接駁巴士到達，車程會耐啲。不過，酒店都鄰近濕地公園同民居，所以有啲房間會望到大片園景，環境都比較寧靜，所以就啱想度假relax下嘅一家大細啦。
除左可以去濕地公園同商場行下，仲可以借酒店提供嘅單車踩下，或者跟下酒店package都可以有唔同節目。「玩轉菠蘿園」住宿計劃就包13萬呎嘅菠蘿園有機薈低碳農莊通行證，有得餵澳洲羊駝、同山羊同埋兔子玩；仲可以去大草地放電，個度仲有唔同遊樂場設施、充氣堡壘、釣魚池同彩沙池等等；package又包一系列工作坊，好似小朋友可以玩親子手作沙畫，同一家大小可以一齊整真皮羊駝印鎖匙扣同環保拓印袋等等。去到又想試下自家種菠蘿，個度有賣珍珠雪糕菠蘿包連菠蘿飲品，但價錢貴啲。或者想有多啲時間留喺酒店，咁可以考慮「小小探索家」露營之旅 。除左喺房間內露營之外，仲可以食下燒烤小食同甜點，而package仲送小企鵝索繩背包連木顏色筆、毛公仔同水樽，但剩係星期五、六、公眾假期及同公眾假期前夕包自助早餐。
8. 銀鑛灣渡假酒店
官網9月房間價格：每晚$630起；8月：$1,258起（夏日親子住宿套票，包雙人早餐、晚餐、一位小童早餐及開心兒童餐）
室外游泳池、兒童游泳池、健身中心，仲有唔同娛樂活動，好似室內遊戲室
Family Time
9. 香港百樂酒店
官網8月房間價格：每晚$405起；每晚$1218起（「家庭樂」住宿計劃，不包括服務費；包括早餐、自助午餐）
香港百樂酒店坐落熱閙嘅尖沙咀區，鄰近港鐵站，而且附近就有各式各樣嘅購物中心同餐廳。佢有為小朋友而設嘅服務，相當齊全，好似嬰兒床、嬰兒枕頭和枕墊、床欄、兒童廁所座、踏腳凳等等。雖然佢冇咩休閒設施，但酒店喺暑假特別推出「家庭樂」住宿計劃 ，包早餐、自助午餐之餘，仲提供卡通床單 合1搖馬滑梯或飛行棋遊戲地毯 (2選1) 、房內氣球裝飾、尋寶遊戲，又比小朋友優先使用「小小運動員」兒童遊樂室同參加小廚神工作坊連免費小廚師服飾，「小小運動員」兒童遊樂室入面都有成十幾項遊戲，又啱曬親子樂，加埋其他節目，相信可以喺酒店玩足成日！
10. 柏寧酒店
官網8月房間價格：每晚$1070起（不包括服務費，包括早餐）；每晚$1210起（「家庭樂」住宿計劃；不包括服務費，包括早餐、自助午餐）
酒店位置都好方便，喺另一個閙區—銅鑼灣，設計時尚，而且對住維園同維港，黎睇風景一流！黎住嘅話可以考慮酒店Staycation嘅package—「家庭樂」住宿計劃，免費去Pullman Playroom玩同埋參加體驗（自助繪畫班、親子瑜珈班或者健身班），咁樣小朋友可以玩，又增加左親子活動時間。如果要book呢個plan，要email去酒店，或者去klook同其他網站睇下。
官網8月房間價格：每晚$468起（海港景觀房，不包括服務費，包早餐）；每晚$1200起（「26小時4人家庭消暑住宿套餐」 - 海景家庭相連客房 (免費升級) 、包早餐 、晚餐、免費房內迎賓迷你吧）；每晚$1790起（「4人親子手作之旅」- 海景家庭相連客房 + 韓式手工蠟燭工作坊，包早餐 、免費房內迎賓迷你吧 ）
宜必思香港中上環酒店座落於上環區，z位置四通八達，除左巴士站、港鐵站，仲靠近電車站同港澳客運碼頭。附近有購物點，有中山紀念公園、海濱長廊可以同小朋友放電，又有香港醫學博物館、大館參觀下。客房設計簡約時尚，有高達三米嘅樓底、偌大落地玻璃窗同木地板，而部份高層客房仲可以望到海港景觀，價錢仲幾平。而如果係一家4口8月去嘅話，book package就更加抵，好似「26小時4人家庭消暑住宿套餐」係包4個人嘅2餐，住海景相連房間，空間多啲，仲送唔同welcome drink，相比唔少酒店嘅親子package淨係包2大1小，要加人就要再比多幾百蚊；而「4人親子手作之旅」仲有得一齊做韓式手工蠟燭，不過價錢差唔多差$600， 同埋只限星期六、日。
12. 逸．酒店 Hotel Sav
官網8月房間價格：每晚$1388起 （繽紛家庭樂套房住宿計劃；不包括服務費）
「逸」酒店鄰近黃埔港鐵站，主張透過繽紛色彩打造酒店、房間，帶黎全方位感官享受，睇到官網相片入面嘅客房都係要白色為主，只係有啲物件用上鮮艷嘅顏色，係咪特別就見人見智啦，不過就有落地大窗睇落好光猛。而佢最近推出「繽紛家庭樂套房住宿計劃」，同埋親子特色套房，有叢林獵遊、遨游太空同馬戲團主題特色套房可以揀，package送果盤、小食、minibar飲品、$300中餐餐飲劵，可以去The Space@sáv共享空間玩桌上遊戲、美式桌球等等，而比較特別嘅仲有野餐早餐籃、喺Venture Studio拍一小時寫真仲有$1,500的手工木製相架，同埋阿里山台灣古早味蛋糕茶點券。仲有一個優勝嘅地方係呢間酒店比較新，好似房入面就有平板可以操控房內冷氣、照明同窗簾，好多5星級酒店都冇啊。
13. 帝京酒店
官網8-9月每晚$487.5起；每晚$1,180起（尋兔樂園住宿計劃；包2人自助晚餐；須另加一服務費）；每晚$1250起（玩轉桌上遊戲住宿之旅；包小食拼盤、免費晚餐餐盒；須另加一服務費）
帝京酒店係5星級酒店，喺網上評價唔錯。酒店近旺角東站，附近有大型商場；設有按摩服務、桑拿、四十米恆溫泳池、兒童嬉水池等等。價錢算係實惠。
花月庭同左《比得兔2：走佬日記》合作推出主題甜品，仲有尋兔樂園住宿計劃包豪華尊貴親子客房一晚同埋4小時自助晚餐，但第3個人食要另外加錢。而另一個package就提供桌上遊戲，包括狼人殺、5秒定律、搖滾巨塔、猜猜畫畫、層層疊同扭扭樂，仲有小食拼盤同晚餐餐盒。
特色節目
14. 香港基督教青年會 - 港青
官網每晚$700起；$1200（尋寶之旅；包免費早餐 (任點任食)、單次迷你吧飲料、迎賓果籃； 另收服務費）
房價唔算平，不過佢係喺尖沙嘴、靠近維港，而且有游泳池、室內恆溫嬉水池及兒童池之外，仲有壁球室室內攀石場、室內多用途體育館等等，好少有酒店有提供呢啲類型嘅設施。暑假仲有「尋寶之旅」package，有得入住成500呎嘅套房，又食任點任食早餐、minibar，仲有尋寶遊戲，搵到寶物仲可以帶番屋企添。
官網8月房間價格：每晚$448起（不包括服務費）；每晚$1550起（「我是小畫家」住宿套餐連兒童繪畫班；無需加一服務費，包房內早餐、自助午餐等）
酒店位於灣仔，位置方便。房間幾年前有翻新過，普通房加百幾蚊可以住有部分海景嘅房間連早餐，但空間都係偏細。不過如果要求唔高，以呢個價錢Staycation而且可以用健身室同室外游泳池，性價比都幾高。如果想要多啲空間走動，可以揀「我是小畫家」住宿套餐連兒童繪畫班就會入住套房 (46平方米附設梳化床) 或者2間標準客房，連房內早餐同生蠔海鮮自助午餐，而星期六、日入住，仲可以同1個小朋友報埋由專業畫室導師教授嘅繪畫班，等小朋友有個
節目可以坐定定。
16. 悅來酒店 Panda Hotel
官網8月房間價格：每晚$370起（不包括服務費）； 每晚$780 + 10% （熊貓夏祭食宿套餐，星期五至日；包早餐）
酒店唔算新，喺外面見到有熊貓圖像外牆嘅一幢建築就係。不過交通配套都方便，而設施有露天游泳池，仲有小朋友啱玩嘅康樂室同兒童遊戲室。酒店本身有四款主題房間，森林主題套房同獨角獸主題套房各有特色，空間亦相當闊落。
佢最近出左熊貓夏祭食宿套餐，包括入住豪華三人客房一晚、早餐兩份、熊貓夏祭紀念品，同埋可以參加熊貓夏祭，用$300食品券喺簡味美食亭「掃街」。算係幾特別嘅節目，到時去嘅話可以扮住去日本旅行先，哈哈！
17. 北角海逸酒店
官網8月房間價格：每晚$660起（不包括服務費）； 每晚$1180起（夏日親子住宿樂，自助午餐 (星期一至五) / 自助早午餐 (星期六及日) 及西餅套餐，不包括服務費）；每晚$1520起（一家大細歡聚住宿優惠，早餐套餐 及 客房派對餐飲服務，不包括服務費）
北角海逸酒店位於鰂魚涌，雖然唔係市中心，但都可以安排到行程，好似去附近太古城行街，或者睇下呢幢有50年歷史、由五棟大廈合體而成嘅怪獸大廈，或者去柏架山道自然徑散下步，或者留喺酒店去25米長嘅戶外露天游泳池游下水。同埋呢間酒店都係以海景作為一個賣點，海景房間會睇到維港東及啟德郵輪碼頭嘅景色。
夏日親子住宿樂包自助午餐及西餐套餐，如果星期六入住就有自助早午餐 (星期六及日) 及西餅套餐，年滿5-11歲之小朋友仲可以喺星期日參加「夏日繽紛」活動，黎緊會有「至Sweet 甜品師 – 廚師親授製作杯子蛋糕」，仲有「小小廚神 – 廚師親授製作薄餅」。另一個package就包早餐套餐及客房派對餐飲服務包括錦繡大會薄餅、2款主菜同4款小食或者4個人住就有薄餅、3款主菜同5款小食。相比之下，睇落好似第一個package包「夏日繽紛」活動同一次自助餐比較實惠，不過睇網上review有人話食物種類唔算多但refill得快，而呢個package8月就做完，加上8月喺官網預訂尊貴客房或套房，就會送限量版懷舊樽裝屈臣氏「哥喇」汽水2樽，所以如果有興趣就好book啦！
18. 金域假日酒店
官網8月房間價格：每晚$540起；每晚$1388起（星級夢想家親子住宿計劃，主題房間，包早餐、精美主題蛋糕、可到行政會所）
呢間知名酒店品牌旗下嘅酒店喺尖沙嘴市中心嘅位置，樓齡比較大、景觀一般，不過勝在管理有一定嘅水平、位置方便，有泳池同幾間餐廳，而房間嘅入面嘅空間同床都唔算細。而佢推出星級夢想家親子住宿計劃，比客人同小朋友去「星空戰士」或者「夢幻粉紅獨角獸」主題房間打卡，食主題蛋糕，又可以用行政會所，仲包左$500元餐飲消費額。
19. 8度海逸酒店
官網8月房間價格：每晚$328起；每晚$1200起 （日間開篷巴士本地遊連半自助午餐）； 每晚$1550起 （夜間開篷巴士本地遊連自助晚餐）
酒店用8度傾斜面為設計理念，唔同嘅空間同裝飾都以傾斜展示，所以咁樣命名嘅。佢位於土瓜灣，本來位置有啲偏，不過酒店有提供穿梭巴士來往港鐵站，而且依家有屯馬線都方便左。基本設施包括健身中心、游泳池同3間食肆，空間唔大，不過有個室外游泳池可以玩下水、吸下新鮮空氣都唔錯。如果唔想成日留喺酒店，或者覺得附近唔多地方行，可以參加暑假推出嘅「8度暑假旅行記」， 包住宿連酒店自助餐，仲有開篷巴士本地遊，其中日間路線會去迪欣湖同睇日落，而夜間路線就去牛棚藝術公園同西九文化區欣賞維港夜景。平時好少機會坐開篷巴士，相信會係幾特別嘅體驗。
20. 麗豪酒店
官網房間價格：每晚$1688起（「饗 · 樂「駕」期」，包括服務費，含早餐、晚餐 ）
麗豪酒店位於沙田區，交通方便亦鄰近著名大型購物中心，餐廳非常多，設有9間食肆、2間高級酒吧同1間餅店，康樂設施都有室外游泳池、健身中心、水療中心。今年新推出「饗 · 樂「駕」期」，酒店房以九巴為主題，主題客房入面可以飽覽城門河景，仲有兒童巴士床。小編見到相個陣諗如果牆紙有埋圖案好似巴士，或者車牆比客人模擬自己喺巴士入面好似會仲靚。不過今次係香港第一次有咁嘅酒店房，而且package包埋自助晚餐、自助早餐，小朋友可以扮演車長同1:1真巴士駕駛艙拍照打卡同玩迷你電動車，又會送限定1:120九巴模型，相信鐘意車仔或者九巴迷都會有興趣！