陳凱琳兒子一傳二染炎症 發炎可大可小?






陳凱琳出席活動接受訪問時透露大仔早前疑因出牙期發燒,但後來先知道竟然係得咗炎症,而且仲傳染咗俾細仔,讓夫妻倆心疼不已。發炎可大可小,究竟急性發炎和慢性發炎有咩分別?






陳凱琳與鄭嘉穎婚後恩愛,如今Rafael已經兩歲幾,早前Rafael發燒咗一個幾星期,卻無其他不適徵狀,令一家人好擔心,以為發燒與出牙有關,後來先知唔係。




陳凱琳表示兒子發燒係因為炎症,佢康復後不幸地傳染咗俾細仔鄭承亮(Yannick),令陳凱琳心疼不已說:「呢個月簡直唔知發生咩事。」





【He She Kids懶人專區】免費工作紙網站


BB出牙期發燒恐為細菌感染

好多父母好似陳凱琳一樣,誤以為發燒是BB出牙嘅徵狀之一,衞生署就提醒,幼兒出牙係唔會引致發燒的。若幼兒係出牙期有發燒徵狀,或伴隨腹瀉、流鼻水等現象,好大原因係幼兒啃咬物品時連帶增加細菌感染,也可引致炎症。因此一旦發現孩子出牙期有持續發燒等徵狀,應該就醫處理。



急性發炎 其實「發炎」就是身體對外來病菌嘅防禦機制,當細菌、病毒、寄生蟲等外來物侵入體內時,身體嘅免疫系統自然會有保護機制,加以平衡對抗而導致紅腫、疼痛、發燒等發炎反應,稱為「急性發炎」。




慢性發炎 急性發炎嘅表現方式會比較直接,通常可以直接觀察到身體邊度發炎、唔舒服。但慢性發炎就好似悶燒原理,長期處於發炎嘅狀態,可能持續數月或數年,若是無法移除病原體,人體將長期處於低度嘅發炎狀態,耐咗可能導致組織遭破壞,甚至壞死,引發其他病變。研究相信癌症、糖尿病、關節炎等等都可能與慢性發炎有關。慢性發炎患者可能有以下幾個徵狀:經常性疲倦、身體疼痛、消化問題、淋巴結腫大、濕疹、鼻塞、皮膚乾燥生瘡、記憶力衰退、頭痛等。



更多閱讀:



【聖誕好去處2021】聖誕燈飾親子打卡熱點








LEGO迷不可錯過的香港樂高®探索中心「Fun享聖誕Home Party」獨有LEGO®幻光聖誕樹