早前喺澳洲有一位4歲女童因為連續食咗10粒超酸糖，導致舌頭被化學性灼傷，患處唔單止出現脫皮更形成破洞。事件嚇壞女童媽媽，同時亦都震驚唔少家長。
綜合外媒報道，來自澳洲墨爾本嘅4歲女童 Willow 日前因為一口氣進食多粒超酸糖而令舌頭嚴重灼傷，呢個恐怖嘅意外引起廣大家長關注，因為超酸糖係唔少孩子鐘意嘅零食。
據悉，當時 Willow 無意間發現了哥哥嘅超酸糖，並一次過偷食了10粒。然而她的舌頭好快就感覺到無比灼痛，受驚嘅孩子立即哭着呼喚媽媽求救。
媽媽為女兒檢查後非常震驚，因為女兒嘅舌頭唔單止脫皮，更有一個破洞。不知所措嘅媽媽隨即聯絡家庭醫生求助，而醫生就指孩子應該是被糖果的高酸性灼傷，目前只能依靠冰敷及服用止痛藥舒緩痛楚，讓傷口自行癒合。
所幸舌頭是全身中癒合速度最快嘅地方，所以孩子在幾天後就已經痊癒。經過今次意外後，Willow 再也唔敢食超酸糖。而媽媽係事後亦掉咗家中所有超酸糖，並係網上分享事件，希望更多家留意其危險性，避免意外發生。
澳洲牙科協會的牙醫 Jonathan Teoh 就表示，呢款超酸糖含有高濃度嘅酸性，PH值跟鹽酸相近，有機會對舌頭及臉頰等造成灼傷。另外，佢亦指出市面上有唔少超酸糖都容易對牙齒及牙齦造成損害。
家長應該避免讓孩子在短時間內進食過多超酸糖，以免對口腔造成刺激性反應。
寶寶口腔燙傷點算好？
燙傷一般分為三度
一度燙傷：只傷及表皮層，受傷嘅皮膚發紅、腫脹，覺得火辣辣地痛，但無水泡出現。
二度燙傷：傷及真皮層，局部紅腫、發熱，疼痛難忍，有明顯水泡。
三度燙傷：全層皮膚包括皮膚下面嘅脂肪、骨和肌肉都受到傷害，皮膚焦黑、壞死，呢個時候反而疼痛不劇烈，因為好多神經都損壞。
唔同程度嘅燙傷，應急處理嘅方式亦唔同
1、輕微型（皮膚有點發紅，發疼，唔太嚴重）嘅緊急處理
用凍水反覆漱口或含冰塊。「冷卻治療」有降溫、減輕餘熱損傷、減輕腫脹、止痛、防止起泡等作用，冷卻嘅時間應係15分鐘以上。
2、起泡泡或泡泡已破嘅緊急處理 對於小泡可以唔做任何處理，千其唔好擠破泡泡，對黃豆大小嘅水泡，如果創面較淺，可以用消毒剪刀剪開水泡（建議係醫院進行）。
如果泡泡已破、流水，則應立即就醫。
（圖片來源：網上圖片）
3、中度或重度燙傷嘅緊急處理
通常已經出現破損，或者係燙傷面較大、燙傷程度較深，呢種燙傷容易涉及全身疾病，處理不當好可能造成生命危險，應立即就醫。
更多精選短片：
