疫情依然肆虐，小朋友提早放暑假，但係抗疫嘅同時，有無諗過小朋友留係屋企做啲乜？不如一齊上網睇書啦！He She Kids為大家介搜羅不同免費電子兒童圖書網站一次過整合晒比大家！
Storyline Online
呢個網站邀請咗好名人講故事，生動有趣，而且會不定期更新。
The Indianapolis Public Library
提供超過100本的英文兒童圖書，包括各經典同埋流行讀物，有線上聽同睇英文兒童圖書，有真人配合動畫講故事，亦有全動畫片。
Oxford Owl
呢個網站嘅圖書以年齡分類，適合3歲至11歲孩子，一共超過240本。圖書插圖精美，又有小遊戲配合，幫助小朋友學習英文同理解故事。
Just Books Read Aloud
圖書分類仔細，有長篇短篇，有根據作者分類，仲有根據閱讀能力、內容性質分類。多數片都係真人揭開圖書同故事，大約有700本圖書。
Clifford Interactive Storybooks
呢個網站嘅所有故事都係圍繞著一隻叫Clifford嘅狗仔。好處係除咗故事，仲有多個互動遊戲，讓小朋友訓練專注力和學習英文。
兒童文化館
台灣文化部製作嘅網站，為學齡前幼兒至小學生提供網上閱讀，圖書種類繁多，包括圖畫書、童話、民間故事、童詩散文等。部分圖書內容以動畫形式展示，有聲音有畫面，小朋友自然睇得投入。
Audible Stories
網上書店亞馬遜（Amazon）旗下有聲書網站，最近免費開放有聲英文故事書比大家聽，只要透過手機、平板電腦或電腦喺Audible Stories網站直接收聽即可，毋須登記，亦毋須下載App，操作簡單又方便。
International Children's Digital Library
專為3至13歲兒童而設，有世界各地嘅優秀讀物。以讀者年齡、封面顏色、故事角色、書籍種類等作為分類項目，讓家長和小朋友可輕易尋找到適合自己的讀物。另部分圖書可選擇用中文版本閱讀。
Internet Archive
呢個網站有大量英文圖書，每本圖書都有人朗讀，速度唔快，適合小朋友學英文。你又可以睇到邊本書最多人睇過，揀返啲比較熱門嘅書。
LibriVox
免費有聲英文故事書，可以線上直接聽，又可以下載落嚟聽。可以根據作者、題材、語言分類，快捷方便簡單易明。
牛津兒童故事書閱讀活動
適合小學生，有多達156套不同免費英文工作紙供下載。既可娛樂，又可學習，一舉兩得。
Free Kids Books
收錄過百本適合幼兒至中學程度、不同題材英文圖書，當中大部份都係資訊性課外書。可以幫小朋友增加課外知識！
希望大人小朋友都鐘意，係屋企有更多閱讀樂趣！