據日媒《47NEWS》報道，一間位於神奈川縣茅崎市嘅香川小學正式廢除派發成績表制度。自2018年4月新校長國分一哉上任後，就向教職員討論成績表嘅建議。起初冇咁多老師同意廢除成績表嘅決定，好彩之後有支持嘅聲音，認為成績表會對學生造成深遠嘅影響。
其中一位老師明白每個學生各有所長、天賦不一。如果只用統一嘅評核方式去判斷學生嘅才能唔太客觀。對喺考試中成績較差學生而言，也會變得自卑和較容易有挫敗感。所以，佢一直努力喺唔同嘅角度讚美孩子，希望等佢哋知道「成績絕不是一切」。然而，每當成績表一出爐，佢一直以來嘅鼓勵都顯得微不足道。
延伸閱讀：
【He She Kids育兒百科】性教育分齡指南！教你點同小朋友談「性」 及兒童性教育繪本推介！
(圖片來源：網絡圖片）
日本教育部指出，教育嘅目的喺為咗讓兒童認識到所學知識嘅重要性和價值，並以目標和問題推進學習，而唔係以「評核」為主導。故此提高教師嘅教學水平好重要。既然如此，回歸到廢除成績表嘅問題，其實除咗可以用成績表來評估學生嘅水平外，老師亦可在課堂上多與學生交流，對佢哋平時課堂上表現作出評論。
推薦閱讀：
喺經過歷時2年嘅討論後，該小學最終決定廢除成績表。無奈廢除成績表嘅決定伴隨著新冠肺炎嘅來臨，基於家校面對面溝通機會嘅驟減，亦令不少家長都未能清楚明白廢除成績表一事嘅原意，眾家長表示即使無可避免地要執行政策，都希望學校能派發可反映到學生表現嘅證明文件。
(圖片來源：網絡圖片）
於是該校決定讓學生填寫一張自我評估表，回顧過往六年小學生涯嘅學習表現。但事實未如理想，小學生根本未有能力作長遠嘅自我反省，繼而再調整和改善將來嘅學習模式和方向。但若要由老師續個評估，亦會加重他們嘅工作負擔。慶應義塾大學藤本和久教授見此提出意見，「學生執著於過去成績嘅表現冇太大意義，因為連大學生都未必有能力語言化自己嘅所學知識。」
家長嘅意見分為兩批，有啲認為通過觀察日常功課嘅表現更能理解孩子們嘅長短處，對孩子更有鼓勵性。但亦有家長持懷疑態度，認為成績表能讓學生知道自己嘅水平。一旦發現自己落後於其他學生，就需倍加努力。加上小學畢業後，學生依然要面對成績表嘅評核。
推薦介紹：
(圖片來源：網絡圖片）
雖然，將來學生畢業踏進一個新環境、新學校，甚至社會後，都難以避免別人以成績表或其他數據來判斷自己。但校長希望喺學生未被覆蓋於當今社會所籠罩嘅價值觀之前，以膚身感知道成績並唔代表一切，培養學生唔同其他人比較嘅心態。因此佢相信現推行廢除成績表唔係徒勞無功，更呼籲呢個挑戰能推廣到其他學校。