香港家福會委託香港民意研究所喺今年1月以隨機抽樣嘅方式，調查咗6個範疇當中家庭嘅幸福狀況，包括家庭團結、家庭資源、家庭健康、社會連繫、社會資源和生活平衡。亦了解咗受訪者喺疫情下，家庭收入及家庭關係有冇受到影響。
呢次調查得出嘅香港家庭幸福指數，平均得分為6.10分，勉強達至「一般」水平。相較2019年的6.31分更進一步下跌，低處未算低。
（圖片來源： 網絡圖片）
延伸閱讀：
比較2019年嘅數字，除咗「生活平衡」之外，其餘數字都顯著下跌。其中「社會連繫」及「社會資源」下跌幅度最大，分別下跌至3.26分及4.80分，係整體幸福指數數字下跌嘅主因。
香港民意研所（研究及實作）總監彭家麗指，相信係因為疫情下嘅限聚令、學校停課、在家工作等，以及無法得到社區協助等，導致有關範疇得分下跌。
（圖片來源： 網絡圖片）
延伸閱讀：
【He She Kids新手父母】性教育分齡指南！教你點同小朋友談「性」 及兒童性教育繪本推介！
貧富家庭幸福感差距進一步擴大
而家庭收入和家庭幸福水平息息相關，低收入家庭係疫情之中，家庭幸福嘅打擊明顯更加大，收入少於3萬元家庭幸福感下跌更加多，家庭收入達4萬或以上嘅家庭幸福感先至有改善，而月入達10萬或以上嘅家庭幸福感更有輕微上升，顯出貧富家庭的幸福感差距亦進一步擴大，情況需要關注。
其餘如失業人士、有家庭成員需要特別照顧等，家庭幸福指數跌幅亦較大。家福會高級經理張詠珊指一些有SEN小朋友嘅家庭，照顧者亦唔容易感被明白，有時甚至家人亦會認為係照顧者唔識教好小朋友。家福會提倡各家庭成員可分擔照顧嘅責任，以減輕照顧的壓力，亦能進一步加強「家庭團結」。
（圖片來源： 網絡圖片）
延伸觀看短片：