千祈咪亂搖BB!認識搖晃嬰兒綜合症



係香港每一年大概都有10至20宗搖盪嬰兒綜合症發生。有時候父母與孩子玩時,會把孩子舉高,讓他們「飛高高」,但BB嘅頸部肌肉軟弱,嚴重時可能造成顱內出血,究竟咩係搖晃嬰兒綜合症,一齊黎了解下!

搖盪嬰兒綜合症係指寶寶頭部受到激烈嘅搖盪,或係搖盪過程中頭部受到碰撞而造成傷害。此症最容易出現在兩歲或之前嘅寶寶身上,如發生在6個月以下的寶寶身上,影響更為嚴重。

由於BB的頸部肌肉十分脆弱,佢哋嘅頭部按身體的比例是比成人為高,其頭部大約是身體重量的四分之一,所以寶寶的頭部很容易受傷。如果寶寶嘅頭部受到劇烈搖盪,腦內嘅組織就會晃動,腦或眼底嘅微絲血管會破裂,導致腦細胞受到損毀。除此之外,寶寶眼球的玻璃體也容易因急促晃動引起視網膜出血導致失明。

冇明顯傷痕

搖盪嬰兒綜合症冇明顯嘅外部創傷痕跡,寶寶係搖晃後受傷嘅徵狀包括癲癇發作、嗜睡、抽搐、嘔吐、異常哭鬧不安、急燥易怒、胃口變差、皮膚變蒼白、以及呼吸困難等。

家長應避免以下動作︰

1. 上下拋接寶寶

2. 大幅度前後擺動寶寶

3. 抱著寶寶不停轉圈

4. 將寶寶放在肩上或腳上晃動



家長每次抱起或放下寶寶時,動作應緩慢,而抱起寶寶時,要用手承托住他的頭部和頸部。嬰兒發生搖晃嬰兒綜合症時須盡快送往醫院,由醫護人員針對其出現嘅症狀給予適當治療。