小朋友做事拖拖拉拉?3招時間管理法讓孩子告別拖延症



孩子做事成日都拖拖拉拉令唔少家長好頭疼,其實只要了解孩子拖延嘅原因,家長就可以對症下藥,幫助解決孩子嘅拖延問題,令佢哋有效利用時間!


孩子拖拖拉拉嘅原因


1. 缺乏時間觀念

孩子缺乏時間觀念係導致孩子拖延嘅其中一個原因,如果孩子冇時間觀念,佢哋就意識唔到1個鐘去完成作業和2個鐘完成作業嘅分別,更加意識唔到自己拖拖拉拉嘅行為會浪費時間。

2. 注意力唔集中

孩子做事時鐘意望東望西,一邊飲水、一陣又要去廁所,導致無法專注去做事,自然就提高唔到效率。父母應該給予孩子正確嘅指導,培養孩子專注力,讓孩子從小就養成專心做一件事情嘅好習慣。唔好俾孩子一邊食飯一邊睇電視,一邊玩遊戲一邊食零食。父母唔好係孩子專心做某件事情嘅時候,在附近大聲講嘢。

3. 父母唔好成日催促孩子

如果係平時生活中,父母成日都不斷地催促孩子,要求孩子嚴格按照自己嘅要求做事,或是強制孩子完成他們規定嘅目標。孩子被動咁去做事,從而產生無助、反抗嘅情緒,呢個時候可能只能用拖延嚟對抗父母嘅強勢。

3招時間管理法讓孩子告別拖延症


1、任務重組

拖延症孩子很難短時間內通過自我束縛嚟改變拖拉嘅行為,作為父母可以通過心理學層面「任務重組」策略嚟幫助孩子克服拖延症。盡量縮小設定完成任務嘅時間,例如家長如果之前規定孩子2個鐘完成作業,但佢總是拖延。家長從現在開始,可以叫小朋友半個鐘做4道題或者5道題。



2、增加計時性活動

有時候,孩子拖拉係因為學習壓力大或者對所做嘅野冇興趣。所以想要讓孩子拖拉嘅事情變得有效率,可以從孩子感興趣嘅事情入手。例如可以讓孩子係半小時內做一個綠豆雪條。係做雪條之前,家長可以先規劃一下流程,並估下每一個流程需要幾多時間,以增強孩子嘅時間觀念。家長都可以增加速度性遊戲,等孩子意識到:原來我可以咁快完成!

3、改變評價

家長唔好成日都埋怨孩子成日拖拖拉拉,在提醒孩子時,少啲講「你好慢」,而是有意識咁強調「你可以快啲」。為咗加強孩子對「快」嘅認知,閒暇時可以多啲同孩子玩計時性遊戲,例如比賽睇吓邊個著得快啲、比賽邊個出門口快啲等,同時不妨多讓孩子贏。用「你比我快啲」嘅結果,作為一種非常有激勵嘅評價。