點解小朋友記唔起3歲前嘅事?研究:7歲開始唔記得早期記憶!



家長有冇發現自己3歲前嘅童年回憶一啲印象都冇?就算睇返相都唔記得相中嘅場面,其實自己嘅小朋友都會發生呢個情況。研究發現,好少人可以記得3歲前發生嘅事,就算有印象都未必係最初嘅記憶,而係可能聽咗屋企人嘅描述或睇咗當時嘅照片。


大個咗記唔起3、4歲前發生嘅事情,稱為「童年失憶症」(Childhood amnesia)或「嬰兒經驗失憶」(Infantile amnesia),但唔代表幼兒冇記憶能力。加拿大多倫多大學認知心理學家Endel Tulving認為,小孩嘅記憶係每個階段,都有唔同嘅發展。幼兒最先發展嘅係原始記憶(Primitive memories),例如:影像和聲音。最具代表性嘅就是記得媽媽嘅聲音,因此當聽到媽媽講嘢時,寶寶會安靜咁聽。


嬰兒嘅記憶力亦會隨着月齡增長而變得持久,例如6個月大嘅嬰兒可以記住24小時,9個月大可以記得1個月,而20個月大可以記得超過1年咁耐。寶寶雖然有記憶能力,但呢啲早期記憶冇得好長久咁記得。大個咗之後後,對3、4歲前發生嘅童年只有模糊印象,根據英國Florida4Less旅遊網嘅千人調查,20%嘅成人最早可以記起家族旅行係5歲嘅時候,其餘人回憶都比5歲仲要遲。


為咗了解兒童嘅記憶,科學家訪問3歲嘅小孩和家長,向佢哋提問過去所發生嘅一些生活事件,係小孩5歲之後,開始逐年訪問當初佢哋所提,關於3歲以前發生嘅事,並且每年都問一次,紀錄到小孩子9歲為止。結果發現,小孩在6至7歲時,記得6成以上,在8至9歲時,只記唔到4成嘅事情,研究結果認為,從7歲開始,我哋對童年嘅回憶逐漸模糊。


但有人認為,幼兒7歲之後,負責長期記憶和情緒反應嘅海馬體(Hippocampus)才逐漸發育成熟,孩子嘅大腦對於記憶訊息嘅儲存和組織變得有系統,因此先會記得7歲之後嘅事,而7歲之前就好易唔記得。


點樣可以增強早期記憶?美國兒童諮商心理學史賓瑟醫生(Renee Spencer)指出,5歲前嘅幼兒大腦可塑性很強,佢她提出咗幫助孩子建構早期記憶嘅3個方法:



1.規律生活節奏

大腦需要「規律」,規律嘅生活節奏和每天睡前一成不變嘅故事時間,係孩子大腦建立長期記憶嘅關鍵。只要家長隨意攞出一本故事書,講俾孩子聽,之後會發現孩子過咗好耐之後,都會好記得故事內容。

2.反覆對話

「重複」可以被分類去長期記憶區塊,被儲存係某個記憶嘅角落。愈早開始幫孩子回憶某件事,呢個回憶就愈容易被儲存成「長期記憶」。爸媽多跟孩子講嘢,孩子就愈能熟練記憶嘅技巧。

3.多影相

父母都想幫小孩子留個美好回憶,家長可以影完相加少少嘅敘述,有助建構早期記憶。所以家長多啲為孩子影相,等孩子記住幼時發生過嘅美好回憶。