兒歌《Baby Shark》非常洗腦，而且仲風靡全世界！不過唔係每個人都鐘意呢首歌，美國4名已出獄嘅囚犯便控告獄卒以呢首歌作為酷刑，導致佢哋身心創傷，近日入稟法院索償。
綜合外媒報道，美國俄克拉荷馬州監獄4名已獲釋嘅囚犯表示，佢哋喺服刑期間遭受口頭和身體虐待，其中3人表示曾被逼站立不停聆聽《Baby Shark》數小時造成身心創傷。日前佢哋向2名21歲獄卒Gregory Cornell Butler Jr.和Christian Charles Miles，以及佢哋50歲主管Christopher Raymond Hendershott索償7.5萬美元（約58萬港元）。
（圖片來源：網上圖片）
《Baby Shark》風靡全世界
呢首由韓國娛樂公司Pinkfong創作的兒歌，係YouTube有史以來最多觀看次數嘅影片，次數高達96億3千萬次。《Baby Shark》一曲更入選為Billboard「百大榜單」，證明呢首歌在全球嘅受歡迎程度不亞於其他流行曲。雖然歌曲大受小朋友歡迎，但大部份成年人都認為呢首歌非常「洗腦」，令人厭煩。
臨床心理學家認為《Baby Shark》有害
此案喺法庭審理時，曾援引臨床心理學家John Mayer喺健康雜誌中嘅一篇文章指，「像《Baby Shark》呢類歌曲會引起腦中的痛苦反應，因為它們具有『高音調』和『刺耳』嘅聲音，都會為人嘅耳朵造成傷害。」
據法庭記錄指，提告的其中3名釋囚在2019年11月和12月，曾被固定在牆壁上，被逼以高音量聆聽《Baby Shark》數小時等同酷刑。然而由於檢察官沒有找到合適嘅法規就事件判罰，因此最終3名被告被紀律處分，目前3人皆已離職。
父母齊共鳴
（圖片來源：網上圖片）
事件引起各地網民熱議，唔少人對曾被《Baby Shark》折磨嘅釋囚感到遺憾，但同時表示有共鳴，「作為父母完全明白呢首歌有幾折磨」、「能夠想像每當『Baby shark do do do』不斷重複響起時，佢哋有幾崩潰」、「我喺托兒所返工，每次音樂時間小朋友都說要聽Baby Shark，現在我患上PTSD」、「咁樣等同酷刑慘過坐監，非常不人道」。
更多精選短片：
