孩子唔識爬點算好?引導寶寶學爬4步曲


BB爬行係成長嘅其中一個重要嘅階段,BB嘅爬行期一般維持3至5個月左右,BB由7個月大開始就開始識爬,不過每個嬰兒發展速度唔一樣,父母要係呢段最佳時機訓練BB爬行。一齊了解下BB爬行嘅好處同埋學吓點樣鼓勵BB學爬!


爬行對BB嘅好處


1.助長肌肉及骨骼發展

不同階段嘅爬行,可以強化寶寶嘅頭、頸、軀幹和四肢肌肉,以及刺激骨骼生長。

2. 視覺發展

爬行時寶寶用眼睛觀察四周環境,周圍去抓玩有趣嘅物件,刺激視覺嘅速度感、距離感、空間感、立體感及手眼協調嘅發展。

3. 練習平衡力和姿勢轉移

寶寶爬行時,一隻手往前伸時,另一隻手及雙膝就要固定身體以免倒下。呢個不斷重複嘅爬行動作,讓寶寶學習如何去平衡身體。而隨着身體漸漸穩定,寶寶會嘗試轉換姿勢,如從躺卧至坐、從坐到爬行、從爬行到站立等。

5個方法鍛煉寶寶爬行能力

1.循序漸進地鍛煉

1~4 月大時,媽媽可以用玩具吸引寶寶抬頭,訓練寶寶俯卧抬頭。 5~6 月大嘅時候,BB能夠用雙手支撐胸部離開床面了,說明寶寶已經可以開始爬了。家長可以係寶寶前方不遠處放一個佢鐘意嘅玩具,吸引寶寶向前爬。

6~7 個月大時,家長會發現寶寶開始原地打轉、後退。呢個時候除咗用玩具吸引BB,仲可以可以用手頂住寶寶的腳仔,但唔好推,可以訓練寶寶下肢嘅力量,BB係呢個時候會主動發出蹬腿嘅動作。

2.家長示範爬嘅動作

模仿係孩子嘅天性,家長可以同BB玩嘅時候加入爬嘅遊戲,可以試下放慢動作,引導鼓勵寶寶爬行。

3.家長要有耐心、信心

家長要相信寶寶,早啲或遲啲都唔緊要。父母對孩子嘅信心,係孩子嘅成長過程中尤其重要,只要相信BB做到佢就可以做到。有啲家長鐘意攞自己嘅BB同其他嘅BB比較,如果自己寶寶發展得慢啲,就會開始心急,甚至對寶寶冇耐心。

4.提供有利爬行嘅環境

家長要提供一個舒適嘅環境俾BB爬,可以係屋企鋪上爬行墊,給寶寶一個安全環境,等孩子可以自由安全探索!