玩遊戲係幼兒發展重要嘅啟蒙，亦係學習嘅重要過程。家長想孩子聰明伶俐？咁就要把握好小朋友右腦開發嘅黃金期(3—6歲)。呢個階段玩以下嘅遊戲可以激發孩子無限潛能！
1.自創自唱
媽媽可以將生活中嘅一啲習慣或者趣事創作成兒歌，然後同寶寶一路唱一路玩。
適合3歲以上嘅寶寶玩，呢個遊戲有利BB嘅節奏感和創造能力嘅發展。
2.玩波波
1.媽媽兩腳分開充當球門，等小朋友用左腳踢波射門。
2.引導孩子左右手輪流拍波，家長最好先做示範俾小朋友睇。
3.準備5個左右嘅公仔，等孩子用左手攞波拋向目標，睇吓小朋友可唔可以拋中目標。
4.引導小朋友按媽媽嘅指令玩波，左右郁，或向前後，將波踢到指定位置。
適合3歲以上嘅寶寶玩，等寶寶係愉快玩波之中鍛鍊四肢以及腦神經系統，促進大腦發育和智力發展，仲可以增強親子親密度。
3.圖片遊戲
搵幾張內容豐富嘅圖片，有動物、食物、日常用品等。先攞一張等小朋友分別指出有咩動物或食物等。再換另外一張圖片，上面嘅嘢要比第1張多，再等孩子講吓有啲咩嘢，又少咗啲咩。
適合3歲以上嘅寶寶玩，呢個年齡嘅寶寶已經有咗形象記憶同埋一定嘅知識，同孩子玩呢個遊戲可以鍛鍊寶寶嘅記憶能力。
4. 一齊去買嘢
家長可以帶着孩子一齊去Shopping。在買嘢時，根據實際情況同佢講相關嘅事情。例如如果你要買奶，可以問孩子：「奶係要放係雪櫃，不如你搵吓奶會係超市邊個位？」如果孩子搵到，可以讚賞一下孩子。
適合3歲以上嘅寶寶玩，可以幫助孩子學習説話，熟悉日常用品和不同嘅人，加強佢嘅自我意識。
5.跳顏色
準備幾塊唔同顏色嘅彩色紙或地毯，引導孩子聽你嘅指令係唔同不同顏色嘅紙上或地毯跳。
適合3歲以上嘅寶寶玩，唔單止可以提高小朋友對顏色嘅感知能力，仲可以增強佢嘅注意力，鍛鍊平衡能力。
6. 剪紙
家長準備舊日曆和一把安全剪刀，可以讓寶寶隨意剪，剪出唔同嘅形狀。或者等佢將靚靚圖案剪落嚟，再自己拼貼成一個完整嘅圖畫。
適合4歲以上嘅寶寶玩，可以增強小朋友嘅手部力量，仲可以促進手眼協調能力、對想象力發展。
7. 猜一猜，找一找
家長準備幾幅虛線畫，先讓孩子猜一猜係咩嘅圖案，然後鼓勵佢將圖案連線，睇吓佢估得啱唔啱。或者家長可以準備一張內容十分豐富嘅圖片，等佢可以係圖片搵出特定嘅人物。例如蜜蜂辛勤採蜜，蝴蝶翩翩起舞，等佢搵吓有幾隻蜜蜂、蝴蝶等等。都可以俾小朋友睇吓一幅複雜嘅圖畫，上面有風景、人物、動物等，然後等佢講吓佢係圖畫上面睇到咩嘢。適合4歲以上嘅寶寶玩，寶寶通過睇圖畫有利於左右腦更加協調發展。