夫妻朝夕相對，吵架係常事。有啲小吵怡情；有啲一吵架就冷戰，互相積怨。吵架後雙方總有冷靜既時候，仔細諗或者係自己有不足既地方，或者自己稍為情緒化，或者將唔係太嚴重既問題放大左。之後點樣和解，化解之間既僵局，係夫妻相處重要既學問，可以嘗試以下方法：
1. 冷靜一下
吵架也許令你不滿意對方，對呢段關係有所動搖。可以先冷靜落黎，再慢慢回憶兩人曾經美好既經歷、對方當吸引你而令你選擇佢既特質，再想想自己還愛唔愛對方，想唔想維持呢段婚姻。如果答案係肯定既，請你接受佢有唔完美既地方。
2. 向對方示好
如果想表達和好既意願，可以為對方切水果、倒杯水，放喺對方看得到既地方，唔需要太刻意。而對方未必會有所回應，佢可能仲未嬲完、拒絕接受。
3. 肢體接觸
從背後擁抱對方係婚姻專家公認最有效、最簡單令人「順番條氣」既方法。
4. 選擇適合溝通既時機
想打破冷戰，要先觀察對方既情緒。喺一個雙方情緒不再高漲、唔太忙同太攰既時間，先打破僵局，肯定對方有良好心情、願意溝通，再冷靜討論問題。
5. 文字傳話
如果講唔出口，或者局面依然尷尬，唔想面對面，可以利用文字，好似寫封信，甚至善用科技send個訊息，互相傳達諗法。
相信如果雙方都有愛護對方、維持關係既決心，吵架只會係小小既考驗，甚至係互相了解既機會，適當磨合過後相信關係亦會更勝從前。