（圖片來源：網上圖片）
疫情衝擊本地嘅經濟活動，成為夫妻生育嘅其中一項阻力。根據調查顯示，有86%嘅受訪者認為養育小朋友有好多經濟考量 ，69％嘅人認為養育小朋友會有壓力，但當中有66％嘅人依然期望育有子女，並傾向育有1至2名子女。
延伸閱讀：
喺未有子女嘅受訪者當中，有43％嘅人擔心生育會影響佢哋嘅工作或事業發展，而只有27%已育有子女嘅人有同樣嘅擔憂。反觀已經成為家長嘅受訪者中，有89％嘅人都認為有孩子嘅家庭更加幸福美滿，想法正面樂觀，比率與未有子女嘅約五成有明顯分別。
（圖片來源：網上圖片）
作為懷孕、生產嘅女性，通常會比較積極參與懷孕前期嘅準備功夫，無論係生理或心理上。調查發現，有生育意願嘅受訪者平均打算在懷孕前8.6個月開始備孕，不過有42%男性受訪者表示冇預設準備懷孕所需嘅時間，反映男性對於備孕嘅概念較女性模糊。 由於兩性在備孕觀念上嘅誤差，雙方對懷孕過程、育兒生活嘅期待不一，都會令二人產生隔膜，容易成為情侶或夫妻間產生磨擦的導火線。
（圖片來源：網上圖片）
延伸閱讀：
點樣湊係其中一個家長嘅爭執點。香港家庭多數雙親都係在職家長，除咗要返工放工，仲要分擔照顧子女嘅工作。調查數據顯示，每3位家長中就有2位表示曾因照顧子女分工問題同伴侶引爭執，當中更有半數人認為呢啲爭執影響到與伴侶嘅關係。 調查發現，即使大部份家長都期望自己與伴侶在照顧子女上的分工是公平，但實際上有76％嘅媽媽認為自己係照顧子女上做得比較多，而有59％爸爸都承認媽媽嘅付出較多。
（圖片來源：網上圖片）