好多家長都知道飲食均衡嘅重要性，但係好多小朋友都唔肯食菜，每次食飯都好似講數咁：「三條菜換一隻雞翼！」唔少媽媽都反映話覺得好苦惱。今次小編話俾你知可以點樣令小朋友食多啲菜！
多啲接觸植物
我哋要俾小朋友多啲接觸植物，先可以減低佢哋嘅抗拒感，家長可以用書或者係畫冊去幫助讓佢哋認識植物、或者係屋企擺設植物、教佢哋種花種草。係有機會親近大自然嘅時候，把握機會帶佢哋認識花花草草，等小朋友可以瞭解植物嘅多樣性同埋等佢哋習慣同植物相處。
加多啲趣味性
家長係餵小朋友食飯嘅時候，可以同佢哋玩吓小遊戲，例如同小朋友講飛機飛過來喇！快啲張開口等飛機降落，小朋友很自然就會笑笑的打開嘴！另外可以將蔬菜起得意嘅名，或者係用番茄醬點上眼睛鼻子，孩子會覺得食蔬菜好似係同朋友玩緊一樣。家長更可以利用蔬菜多彩嘅特性，等孩子嘅餐盤色彩更加豐富，通常大人鐘意將所有菜一齊炒，但其實孩子鐘意顏色分開，所以可以為孩子準備一個自己嘅餐盤，裡面有兩三個唔同顏色嘅菜色，孩子就容易食慾大開。食完飯後，如果孩子今日食蔬菜褸得多，可以俾一個小小的貼紙作獎賞，或者俾小朋友可以食甜品。
叫小朋友一齊幫手
比小朋友親手去整野食，可以讓孩子獲得成就感，佢哋會覺得係享受成果，而唔係只是俾爸媽逼所以先食。如果孩子大個啲，仲可以同佢哋一齊去買餸，返到屋企可以叫佢哋幫手洗菜，然後同佢哋講等一陣所有佢整嘅食物就會係餐桌上，透過增加成就感孩子反而會更加期待食蔬菜呢！
試一啖嘅原則
其實，試一啖原則係源於一項研究顯示，係孩子接受新食物之前，大約需要 8~10 次嘗試，孩子先會開始熟悉新食物。但爸媽千萬唔好強逼孩子去食一啖，而是要讓孩子有機會去試一試味道，唔好因為佢話唔食，就唔俾佢試。可以同孩子講呢個菜好好食，媽媽都好想食，你只食一啖就好了，剩下嘅媽媽全部食曬！咁好食嘅野如果只俾佢食一啖，話唔定佢會搶住要吃。
了解蔬菜嘅價值
孩子嘅理解力同大人唔同，大人覺得蔬菜嘅價值在於令大家保持健康，可是孩子唔了解健康嘅重要性。所以唔洗同孩子強調健康的問題，而是要企係佢哋嘅立場，用佢哋喜歡嘅方式黎強調蔬菜嘅重要性，例如好似係食咗菜就會快高長大、食咗了蔬菜你會變得更加靚！