「相信」蘊藏着巨大嘅力量，一個人打從心底相信自己，做任何事都能無所畏懼。小孩尚未累積太多經驗，唔識「證明」自己嘅能力，父母用言語表達對小孩嘅肯定，就可以從小培養佢嘅自信心，究竟同小朋友講咩說話，能夠增加佢哋嘅自信心呢？
1.「多謝你，揀我做你嘅媽咪。」
將愛「講出口」，讓孩子尊重自己。一個簡單嘅多謝，令孩子感覺係自己選擇自己嘅媽媽，而媽媽亦因為咁好開心。
2.「可以做你媽媽真係太好了。」
同孩子講， 能夠做你媽媽係我嘅光榮，孩子聽到呢句說話時，會覺得自己嘅存在被父母接受，並且感到安心。
3.「只要同你一起，就好開心！」
當孩子慢慢長大，難免總有啲惡習，往往令到父母感到心煩氣躁。但各位父母回想孩子仲係嬰兒時，見到孩子笑、翻身、說話...每個舉動都令父母感到快樂。所以一定要令小孩知道，佢嘅存在能令父母開心 ，別讓生活碎事令孩子失去自信心。
4.「不管發生咩事，我永遠都企喺你個邊！」
讓孩子知道你係佢嘅最大支持者，永遠都支持佢，佢並唔係自己一個人。
5.「我好喜歡你！」
無人唔鍾意被喜歡，呢句被施咗魔法嘅說話，即時令父母與子女都感到幸福快樂。孩子喺成長過程中經常聽到呢句說話，就會變得好喜歡自己，因而提高自我肯定度。
6.「好叻喎，你真係長大咗！」
咩時候你會出現「我個寶貝真係長大喇...」呢種深切嘅感觸呢？第一次行路、第一次返幼稚園、第一次攞畢證書嘅時候... 聽到呢句話，孩子心裏就會覺得自己「做得到」，自我認同感大增。
7.「係喎，原來係咁啊！」
孩子聽到呢句說話，就會覺得自己嘅意見或想法被接受、認同，認同要「講出口」，孩子會充滿自信，做出更積極嘅行動。
以上嘅說話，你可能會話咁肉麻，點講得出口啊！
但試想想，換轉你聽到父母對你講呢啲說話，你會有想喊嘅衝動嗎？