相信唔少媽媽喺生完BB後，都會面對到產後脫髮嘅問題，產後媽媽雌激素水平急速下降，正是脫髮問題的主因。這通常會在產後3至4個月左右開始發生。不論洗頭、梳頭，都甩一堆頭髮，請記住這只是暫時性的。
根據衛生署指出，由於喺懷孕期間，較多頭髮會處於生長期，所以想對較少甩頭髮。生完BB後，原本處於生長期嘅頭髮，就會變成休止期，變得容易脫落。不過大家唔需要太擔心，因為產後脫髮通常維持4至20星期左右，喺產後六個月內就會不藥而癒。
以下幾個方法亦可以改善產後脫髮問題，大家不妨參考下。
1. 充足睡眠
生完BB後，好多媽媽都要半夜起身餵奶、換片等。經常捱夜、唔夠瞓、壓力大都會令脫髮問題變得嚴重。所以媽媽幾忙都要盡量爭取時間休息，請家人或另一半幫忙，減輕負擔。
2. 注意飲食
媽媽應減少進食煎炸、辛辣、重口味食物。除咗要均衡飲食，確保攝取到足夠營養外，亦可以多食有護髮功效嘅食物，如黑芝麻、核桃等。
3. 洗頭方式
洗頭時避免用太熱嘅水，因太熱嘅水會損害頭部嘅皮脂保護膜。選擇不含香料，成份天然嘅洗頭水，喺洗頭時亦可多按摩頭皮，促進頭部嘅血液循環。另外，如果使用護髮素就要注意，唔好接觸到頭皮。
4.剪短髮
將頭髮剪短有好多好處，首先短髮需要營養物質較少，充足營養就可保障頭髮掉得較少。其次，因為頭髮變短了，孩子扯頭髮的機會也更少！除此之外，短髮保養起來也比較簡單。