小朋友夜晚唔肯瞓覺!4招「催眠」孩子


唔少家長遇到小朋友好眼瞓但係偏係唔肯上床瞓覺,每晚都氹一個鐘以上小朋友先肯瞓覺,帶嚟唔少困擾,睡眠問題不單止影響兒童本身,仲會對家庭各方面做成滋擾。如果你嘅小朋友唔肯瞓,首先要了解一下有可能嘅原因,再去解決問題。


孩子點解唔肯瞓覺?

1.好奇心

小朋友對外界事物充滿好奇,佢驚瞓覺之後就見唔到屋企人所做嘅事。因為任何人嘅一舉一動,對佢嚟講都好新奇有趣,所以小朋友唔想因為瞓覺而錯過咗。


2.日頭玩得太攰或被迫瞓晏覺

有啲孩子係夜晚唔願瞓覺,連晏覺都要同媽媽頑抗到底。可是,日頭玩得太攰太興奮,係夜晚難以入睡嘅主要原因。有啲母親擔心消耗孩子過多嘅體力,希望藉著中午的小睡或晚上早啲上床嚟恢復佢嘅體力。但係,如果母親因唔耐煩而採取強硬嘅態度,所得到嘅反應係小朋友嘅反感。





3.瞓覺前嘅情緒唔好

「唔要」係兩歲左右嘅孩子最常用、最順口嘅字眼。因為佢已經開始有自己嘅主意,如果孩子唔係出於自願,即使上床睡覺,不洗幾耐,就會對睡眠產生厭惡感。所以,儘量製造愉快嘅氣氛,引導孩子開心咗去地去瞓覺,先係是正確嘅途徑。


4招「催眠」孩子


1.唔好令孩子感覺自己被催促上床

如果孩子被催促,心情會容易緊張,甚至轉而反抗。大人可以視實際情況,係適當嘅時候,以輕鬆愉快嘅口吻提醒孩子係時侯瞓覺,令孩子自己止床瞓覺。即使有時上床時間比平常夜啲都無所謂,重要係愉快嘅氣氛,而唔係毫無彈性咁堅守「準時就寢」嘅規定。


2..瞓覺前避免玩活動量大或容易興奮嘅遊戲活動

有啲父母因白天上班,唔可能陪到小孩,所以,係食完晚飯後便儘量陪孩子玩。這時可以同小朋友講故事、聽音樂、唱兒歌等輕鬆嘅活動,避免玩跑、跳、捉迷藏嘅遊戲,咁樣先可以令孩子係愉快嘅心情下瞓覺。


3.瞓覺前製造一個愉快嘅氣氛

每晚到咗一定嘅時間,父母就可以開始幫助孩子做睡覺前嘅準備工作,例如︰沖涼、換衣、為孩子講故事、哼一首歌、聽下孩子為你唱嘅歌、或等佢玩下自己心愛嘅玩具,製造一個親切愉快嘅氣氛。


4.確定孩子一切就緒後先熄燈

係孩子未完全預備好前就熄燈,佢嘅種種要求會隨之而來,一陣話要去廁所,一陣話要飲啖水,以便拖延瞓覺嘅時間。因此,係為孩子關燈之前,最好先問佢,在他回答之後再熄燈,就可以減少無謂嘅騷擾。